Apfelstrudel

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Apfelstrudel
Apfelstrudel de fullatre
Orichen cheografico
Cocina:	Gastronomía austriaca Gastronomía alemana
Orichen:	Austria Bavera
Se mincha en:	Centro-europa
Categoría:	Tarta
Elaboración
Ingredient principal:	manzana
Ingredient principal:	fullatre
Ingredients:	Fullatre, manzana, zucre, canela, ugas pasas y pan rallato

Apfeltrudel (en bavaro Opfestrudl, en alemán vienés Åpfeschtrudl) ye un postre tradicional d'a cocina bavara y austriaca. Os orichens d'iste postre podrían trobar-se en a gastronomía bizantina, armenia u turca.

Historia

O Apfelstrudel se feba servir d'antis mas como alimento ta a chent mas humilde. Os precedents d'iste pastel se troban, probablement, en l'arabe y armenio baklava. A receta podió haber arribato con os soldatos cheniceros de l'Imperio Otomán que, dimpués d'a conquista de Bizancio en l'anyo 1453 s'enfiloron a traviés d'os Balcans cara ta Viena. A cocina vienesa adoptó iste plato y lo perfeccionó dica convertir-se en o que conoixemos hue en día. O exito d'iste postre fació que dimpués a suya receta se tornase popular en toz os países de l'antigL'Imperio Austrohongaro.

Ingredients

O pastel ye un rollo de fullatre pleno de compota de manzana, zucre, canela, ugas pansas y pan rallato que una vegata feito se cocina en o furno. Atros ingredients encluyen pinyons, nueces u almendras. L'arte d'a suya elaboración ye fer a pasta d'o fullatre o mas fina y elastica posible. Os mayestros pasteleros austriacos y alemans dicen que ta que iste postre sia en o suyo punto chusto, habría de poder-se leyer un periodico a traviés d'él.

Ta cocinar o Apfelstrudel, s'han de trigar bien as manzanas ta que tiengan un buen aroma, una textura agradable de compota y o o paladar un "toque" licherament aceto.

Modo de servir

S'ha de servir recient feito y encara calient, por un regular con bella cosa de zucre glas espolvoreato por dencima. Normalment se sirve con una salsa dulce de crema aromatizata con vainilla calient; ista salsa se sirve en cuencos de porcelana chunto a o Strudel y ye habitual que en as cafeterías y restaurants austriacos y alemans s'acompanye de chelato de vainilla.