Neton
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
Neton ye una divinidat guerrera que recibiba culto en l'antiga Hispania, sobre tot en arias indoeuropeas. En a interpretatio romana fue asimilato a Marte. Se'n tien conoixencia por inscripcions en as que trobamos diferents variants d'o nombre y por a mención de Macrobio sobre os antigos accitani (habitants de Guadix).
En una ara procedent de Conimbriga y actualment desapareixita Barboza Canaes trobó en 1815 a palabra Neto. En unatra de Trujillo se documenta a palabra Netoni Deo.
En o bronce de Botorrita se puet leyer a palabra Neito, y beluns la interpretan como un teonimo.
Martín Almagro Gorbea trobó escrito Niethos en un grafito en alfabeto griego arcaico, gravato sobre un vaso griego calendato entre os anyos 590 y 570/560 aC procedent de Huelva.
Posible culto en l'aria iberica
[editar | modificar o codigo]En o monumento de Binéfar, Antonio Beltrán Martínez podió leyer "neitin", y esta palabra tamién s'ha documentato en o chacimiento d'Ullastret (provincia de Chirona). Neitin se puet interpretar como un teonimo, pero no ye seguro, y podría estar una formula funeraria u un antroponimo.
Posibles correspondencias fuera d'a peninsula iberica y Pireneus
[editar | modificar o codigo]En a literatura mitolochica medieval irlandesa se troba un Tuatha de Dannam dito Neith, que por o nombre poderba estar una variant u un doblet d'atro dito Nuada, con mes papel en a mitolochía y relacionato con a función guerrera.
Bibliografía
[editar | modificar o codigo]- José María Blázquez. Diccionario de las Religiones Prerromanas de Hispania, 1975.
- José María Blazquez. Últimas aportaciones a las religiones prerromanas de Hispania. Teónimos I
- María Rosario Lucas. Santuarios y Dioses en la Baja Época Ibérica. La Baja Época de la Cultura Ibérica. Asociación Española de Amigos de la Arqueología, 1979.
- Juan Parellada. El origen de los Vascos (títol orichinal: La lumiere vint-elle d´Occident?), 1978.
- Macrobio. Saturnalia (libro I, capítols 19 y 21).
Vinclos externos
[editar | modificar o codigo]| Control d'autoridaz |
|
|---|
Datos: Q5808669