Martín Lumbreras Peralta
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Martín Lumbreras Peralta | |||
|---|---|---|---|
 Martín Lumbreras Peralta | |||
| Información personal | |||
| Nombre | Martín Lumbreras Peralta | ||
| Apodo: | ' | ||
| Naiximiento | 1598 Zaragoza (Reino d'Aragón)
| ||
| Muerte | 11 de noviembre de 1632.svg){kind=small} Nagasaki (Chapón, Imperio portugués)
| ||
| Información relichiosa | |||
| Festividat | 11 d'aviento | ||
| Venerau en | Ilesia Catolica | ||
| Simbolochía | |||
| Patronache | |||
| Centro de pelegrinache | |||
| Ordens | Orden d'os Agostinos Recolectos | ||
| Beatificación | 23 d'abril de 1989 | ||
| Canonización | |||
| Qüestions | |||
Martín Lumbreras y Peralta, tamién conoixiu como Martín de Santo Nicolás, (Zaragoza, noviembre de 1598 - 11 de noviembre de 1632) estió un misionero catolico aragonés. Fue beatificau en abril de 1989 per lo Papa Juan Pablo II.[1]
Vida temprana
[editar | modificar o codigo]Martín Lumbreras y Peralta naixió de Zaragoza (Aragón), en una familia noble, lo 8 de noviembre de 1598. Fue baltizau lo 10 de noviembre de 1598 en o Pilar. Prenió l'habito d'os agostinos recolecto en Borcha, prenendo los votos en Zaragoza en 1619. Lo suyo nombre relichioso yera Pai Juan de Santo Nicolás.
Misionero
[editar | modificar o codigo]En chulio de 1622, Peralta zarpó dende Cádiz ta Filipinas, a an plegó en 1623. Como resultau d'a persecución y lo retiro d'os misioners en Chapón, los suyos superiors l'asignoron a Manila, pa servir como sacristán mayor y dimpués como mayestro de novicios.[2] Entre los suyos anyos en Filipinas promovió enormement la devoción a la Virchen d'o Pilar, a la cual dedicó un cuadro y un altar en a Ilesia de Sant Nicolau de Tolentino d'os Agostinos.
Peralta encara teneba un fuerte deseyo de evanchelizar Chapón. En carta, fechada lo 4 d'agosto de 1631, anunció lo suyo deseyo d'este apostolau a lo vicario cheneral y exactament un anyo dimpués, lo 4 d'agosto de 1632, partió de Manila enta Chapón, en companyía d'o pai Melchor de Sant Agostín, qui sería lo suyo companyero constant dica lo suyo martirio. Os dos plegoron en Nagasaki ueito días dimpués. Heba surtiu hostilidat entre los comerciants chinos, que les dioron paso ta Chapón. Un d'estes comerciants denunció la suya dentrada en Chapón a las autoridaz de Nagasaki. En enterar-se d'esta traiduría, Peralta y Melchior, fuyioron ta las montanyas, an se facioron amigos d'o pai dominico Domingo Ibáñez de Erquicia. Fuoron instruidos en l'idioma chaponés. A suya ansiedat luego los empentó enta una ciudat an, descubiertos y reconoixius per achents d'o gubierno, estioron arrestados lo 3 de noviembre de 1632. Lo gubierno intentó fer-les renunciar a lo cristianismo.
Martirio
[editar | modificar o codigo]L'11 de noviembre de 1632, estes sacerdotes agostinos estioron conducius a lo puesto d'a suya execución, per medio d'o metodo de hi-aburi (castigo con cremada en a foguera). Melchor morió cuatro horas dimpués de l'inicio d'a execución, mientres que Peralta, debant d'o asombro d'os espectadors, enduró deciueito horas.
Peralta y Melchor fuoron veneraus per meyo d'a promulgación d'o decreto sobre lo martirio lo 28 de noviembre de 1988. Os dos estioron beatificaus lo 23 d'abril de 1989 per lo Papa Juan Pablo II y la suya fiesta se celebra l'11 d'aviento.[1][3]
Referencias
[editar | modificar o codigo]- ↑ (es) "Martirologio: Dicembre". https://www.vatican.va/roman_curia/pontifical_academies/cult-martyrum/martiri/009.html#dicembre.
- ↑ (it) "Beati Martino Lumbreras Peralta e Melchiorre Sanchez Perez: Sacerdoti agostiniani, martiri"". http://www.santiebeati.it/Detailed/92545.html.
- ↑ (en) "Martyrs of Japan (1597–1637)". http://newsaints.faithweb.com/martyrs/Japan02.htm.
| Control d'autoridaz |
|
|---|
Datos: Q26997471