Marienplatz (Múnich)

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Marienplatz

Anvista d'a Marienplatz de Múnich dende a ilesia de Sant Pero
Ciudat Múnich
Districto Casco antigo
Forma d'a plaza Rectangulo

Marienplatz (en aragonés plaza de María) ye la plaza central de Múnich, Alemanya, dende la fundación d'a ciudat en 1158.[1] Marienplatz ye hue lo día lo centro neuralchico d'a vida d'a ciudat, arredol d'a cual s'extienden as prencipals carreras comercials con tot tipo de botigas y restaurants.

Entre la Edat Meya la plaza teneba lo nombre de Marktplatz (en aragonés plaza d'o mercau) u tamién Schrannenplatz (en aragonés plaza d'o mercau de venda de cerials). Astí amás de mercaus se celebraban torneyos u grans festividaz con ocasión de visitas importants a la ciudat como la de l'Emperador. O nombre de Marienplatz proviene d'a Mariensäule (en aragonés pilar u columna de María), que ocupa lo centro d'a plaza y estió erichiu en 1638 pa celebrar lo final d'a ocupación sueca entre la Guerra d'as Trenta Anyatas.

Altes Rathaus.

Actualment, a Marienplatz ye flanquiada per o Neues Rathaus (en aragonés nueva Casa d'a Villa) y l'Altes Rathaus (en aragonés Viella Casa d'a Villa).

Fischbrunnen

En una cantonada d'a plaza se troba la popularment conoixida como Fischbrunnen (en aragonés Fuent d'o Peix), una fuent que antis mas serviba a los pescaters d'o mercau pa mantener fresco lo suyo peix y que hue día ye un puesto de trobada d'a chent d'a ciudat.

Referencias[editar | modificar o codigo]

  1. (de) Klaus Gallas: München. Von der welfischen Gründung Heinrichs des Löwen bis zur Gegenwart: Kunst, Kultur, Geschichte (= DuMont-Dokumente: DuMont-Kunst-Reiseführer). DuMont, Köln 1979, ISBN 3-7701-1094-3.