Manuel Bastos Ansart
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Manuel Bastos Ansart | |
|---|---|
| Información personal | |
| Calendata de naixencia | 22 de chulio de 1887 |
| Puesto de naixencia |  Zaragoza (Aragón)
|
| Calendata de muerte | 21 de chinero de 1973 |
| Puesto de muerte |  Barcelona (Catalunya)
|
| Ocupación | Medico y militar |
Manuel Bastos Ansart, naixito de Zaragoza (Aragón) o 22 de chulio de 1887[1] y muerto en Barcelona (Catalunya) o 21 de chinero de 1973, estió un medico y militar aragonés, que mientres a Guerra Civil espanyola estió qui desembolicó, chunto con o catalán Josep Trueta, os treballos d'o estausunidense Winnet Orr sobre o tractamiento d'as feritas de guerra ta evitar a gangrena. Istos tractamientos, conoixitos en o mundo medico como tractamiento d'Orr-Bastos-Trueta, s'emplegó posteriorment mientres a Segunda Guerra Mundial por os países Aliaus, reducindo espectacularment as baixas militars por gangrena.
Anyadas de formación
[editar | modificar o codigo]Manuel Bastos Ansart yera fillo d'un militar que yera o profesor de Matematicas en l'Academia Militar de Zaragoza, y estudió en a Universidat de Zaragoza licenciando-se con nomás que 19 anyadas d'edat,[2] ta dimpués dentrar en l'Academia de Sanidat Militar.[1]
ta dimpués partecipar en 1909 en a Guerra de Melilla, a on fue ferito, y a on podió fer o suyo primer contacto dreito con as feritas de guerra en haber en o suyo rechimiento un muit elevato numero de feritos[1] y a on conoixió a o traumatologo catalán Joaquim Trias i Pujol.[3]
Enampló estudios en cuantos puestos d'Europa, tenendo asinas amplas conoixencias d'o estato d'a Traumatolochía en a resta de países d'o mundo.
Os inicios d'a suya carrera
[editar | modificar o codigo]Estió director de l'Hospital Civico-Militar en Alhucemas
Dende 1913, estió profesor en a Universidat de Madrit, ocupando cuantos cargos destacatos en o sistema hespitalario y universitario espanyol y estando mesmo o establidor d'a Sociedat Espanyola de Cirurchía Ortopedica y Traumatolochía. O rei Alifonso XIII d'Espanya lo nombró medico d'a Casa Reyal.[1]
En 1920, Manuel Bastos Ansart albandonó a carrera militar, en estar ya casato, ta no estar destinato luent de Madrit, a on teneba a suya residencia.[1] Sindembargo, en 1921 tornó a dirichir un centro d'atención ta os feritos en a Sublevación d'o Rif, ista vegara en Malaga (Andalucía).[1]
Mientres a Revolución d'Asturias en 1934, Manuel Bastos Ansart tornó a prener contacto cona s feritas de guerra y con o suyo analís dende a Traumatolochía, y estió alavez cuan aplicó y desembolicó os treballos de Winnet Orr ta tractar as fracturas ubiertas no zarrando-las como se feba dica l'inte (gosando provocar asinas a gangrena) sino mantenendo-las ubiertas. O suyo metodo (conoixito como metodo espanyol de cura oclusiva) consistiba en fer a limpia de toda a ferita, adhibir-ie un desinfectant y inmovilizar a franctura emplegando-ie cheso.[1]
Guerra Civil espanyola: as suyas aportacions capitals
[editar | modificar o codigo]En 1936, cuan esclató a Guerra Civil espanyola en sublevarse un grupo de militars contra o Gubierno d'a Segunda Republica Espanyola, treballó en hospitals militars de Sant Sabastián, dica que habió de fuyir enta Francia en cayer o País Basco en mans d'os sublevatos, ta tornar a territorio republicano por Catalunya. Alavez, l'esleyoron ta treballar en l'Hospital Sueco-Noruego establito en Alcoi con aduya d'os países escandinavos a la Segunda Republica espanyola en guerra, y en o cual treballaba o medico noruego Kristian Gleditsch y a suya muller Nini Haslund, qui yera a chestora de l'Hospital. Esleyoron a Manuel Bastos Ansart en estar ya en ixe inte una personalidat con gran prestichio internacional en o suyo ambito.[1]
O 16 d'octubre de 1938 l'Hespital fue bombardeyato por l'aviación franquista, y os suyos feritos fuoron tresladatos entra atros centros hospitalarios.
Os metodos que desembolicó fuoron la base d'os treballos de Josep Trueta, a qui hue gosan atribuir-se en solitario, ublidando as aportacions de Manuel Bastos Ansart, en estar Trueta qui els difundió dende o suyo exilio en o Reino Uniu.
A posguerra y a postergación
[editar | modificar o codigo]En rematar a Guerra Civil espanyola con a redota republicana, o doctor Manuel Bastos Ansart fue engarcholato en o mesmo edificio de l'Hospital Sueco-Noruego, que o franquismo victorioso heba convertito en una garchola ta personalidaz republicanas, y lo condenoron a 12 anyadas y un día de garchola por auxilio a la rebelión militar, perdendo toz os suyos cargos militars u civils.[3] Cuan fue liberato, treballó como medico privato en Barcelona dica la suya chubilación.
Obras
[editar | modificar o codigo]Libros
[editar | modificar o codigo]- 1925: Cirugía de los nervios periféricos.
- 1932: Osteosíntesis: estudios experimentales sobre su biología y su práctica.
- 1932: Tratado de Patología Quirúrgica General.
- 1950: Tratado de Cirugía Ortopédica.
- 1965: Una vida de mujer.
- 1969: De las guerras coloniales a la guerra civil: memorias de un cirujano.
Articlos
[editar | modificar o codigo]Vinclos externos
[editar | modificar o codigo]Referencias
[editar | modificar o codigo]- ↑ 1,0 1,1 1,2 1,3 1,4 1,5 1,6 1,7 (es) Manuel Requena Gallego y Rosa María Sepúlveda Losa: La sanidad en la Brigadas Internacionales.
- ↑ (es) Manuel Bastos Ansart en a Gran Enciclopedia Aragonesa On-line.
- ↑ 3,0 3,1 (ca) Exposició: Els Origens de la Traumatologia a la Biblioteca de Medicina.
Datos: Q11194723