Traumatolochía

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Traumatolochía.

A traumatolochía (d'o griego antigo τραῦμα (traûma) "ferida", y λογία (lochia) "estudeo") ye la branca d'a medicina que se dedica a l'estudeo d'as lesions de l'aparato locomotor. A especialidat ye medico-quirurchica, y los medicos que la practican se dicen traumatologos.

O suyo ambito s'extiende dillá d'o campo de traumatismo mayors; abarca l'estudeo d'as malotías conchenitas u adquiridas que afectan a l'aparato locomotor, especialment d'aquellas que precisan tractamiento con cirurchía ortopedica, protesi u ortesi. Manimenos, no totas as malotías de l'aparato locomotor dentran adintro d'o campo d'a traumatolochía, pus gran parti d'os problemas de salut que afectan a las articulacions s'incluyen en l'ambito d'a reumatolochía u la fisiatría que son atras especialidatz medicas diferents. Qualques d'as malotías d'as qualas s'ocupa la traumatolochía son as trencaduras y luxacions d'os uesos, as lesions de ligamentos, tendons y musclos, tamién os tumors osios y numbrosas afeccions d'a columna vertebral como a esvinzadura discal y l'escoliosi.

L'ortopedia ye una disciplina relacionada que atiende los traumatismos a traviés d'aparatos ortopedicos, rehabilitación y atras terapias.

Bibliografía

• (de) Bernhard Weigel, Michael L. Nerlich: Praxisbuch Unfallchirurgie. Springer, Berlin Heidelberg 2011, ISBN 978-3-642-10788-7.