Pentecosta
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
A Pentecosta (d'o griego pentekosté (heméra) "o cincuanteno día", a traviés d'o latín pentecostés literalment "cincuantena") describe a fiesta d'o cincuanteno día dimpués d'a Pascua (Domingo de Resurrección).
Mientres a Pentecosta se celebra la baixata d'o Esprito Santo sobre os apostols que, seguntes diz o libro d'os Feitos d'os Apostols:
Por ixo tamién ye conoixita ista festividat como a celebración d'o Esprito Santo.
Ta la liturchia catolica ye a fiesta mas important dimpués d'a Pascua y o Nadal. A Eucaristia d'ista festividat incluye a secuencia medieval Veni, Sancte Spiritus.
Historicament ista celebración se basa en a fiesta semanal chodiga dita Shavuot (fiesta d'as semanas), mientres a que se celebra o cincuanteno día de l'aparición de Dios en o mont de Sinai. Por ixo en o día de Pentecosta tamién se celebra a entrega d'a Lei (mandamientos) a lo pueblo d'Israel.
En o calandario cristiano a Pentecosta remata o tiempo pascual d'os 50 días, dito periodo u tiempo de l'amistat.
En as narracions sobre a Pentecosta d'os Feitos d'os Apostols (2,1-41) li se da a lo Esprito Santo, igual que en l'Antigo Testamento, caracteristica miraglosas (carismas): él ofreixe valentía y libertat, posibilita la comprensión (glosolalia) y fortifica una comunidat universal.
En as ilesias ortodoxas existe a mes a celebración d'as Tres Divinas Personas u d'a Santisma Trinidat; as ilesias occidentals celebran ta ista ocasión dende o sieglo XIV a suya propia fiesta dita Trinitatis (a fiesta d'a Santisma Trinidat) una semana dimpués d'a Pentecosta.
A Pentecosta inspira o segundo movimiento cristiano protestant mas gran d'o mundo, o Pentecostalismo, que tien mas de 570 millons de seguidors.
Calendata de celebración[editar | modificar o codigo]
A suya fiesta ye móvil, ya que pende d'a calendata d'a Pascua de Resurrección, que se fa con un calculo lunar, o que da como resultato una calendata variable cada anyada. Estando ista Pascua celebrata en diferents calendatas, seguntes a confesión cristiana, allora la Pentecosta se celebra tamién en calendatas diferents seguntes a tradición occidental y oriental d'o cristianismo.
O lunes de Pentecosta ye día de fiesta en Alemanya, Austria, Catalunya, Francia, Liechtenstein, Islandia, Noruega, Belchica, Suiza y os Países Baixos.
Bibliografía[editar | modificar o codigo]
- Volumen 16 La Gran Enciclopèdia en català 2004, Edicions 62-ISBN 84-297-5444-X
Vinclos externos[editar | modificar o codigo]
Se veigan as imáchens de Commons sobre Pentecosta.
