Lugo

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Lugo
Municipio de Galicia
A muralla de Lugo y a Seu de Santa María de Lugo.
Entidat  • Estau  • Comunidat  • Provincia  • Comarca	Municipio  Espanya  Galicia Lugo Comarca de Lugo
Superficie	329,8 km²
Población  • Total	97 211 hab. (2013)
Altaria  • Meyana	465 m.
Distancia  • 101 km	enta Santiago de Compostela
Alcalde	Lara Méndez López
Codigo postal	27001–27004
Chentilicio	Lucense (en gallego)
Ríos	Miño, Rato y Chanca
Coordenadas	43° 0’42’’N 7°33’25’’U
Lugo Lugo en Galicia
Web oficial

Lugo ye un municipio gallego d'a provincia de Lugo (en ye a suya capital), situato en a comarca de Lugo (tamién en ye a capital).

A suya población ye de 95.416 habitants (2008), en una superficie de 329,8 km² y una densidat de 289,31 hab/km². Ye a quatrena ciudat de Galicia por o suyo numero d'habitants.

A suya muralla fue declarata Patrimonio d'a Humanidat por a UNESCO en 2000.

Cheografía

A localidat de Lugo ye situata en un pueyo rodiato por os ríos Miño, Rato y Chanca, a 465 metros d'altaria sobre o livel d'a mar, a una distancia de 101 km de Santiago de Compostela, a capital de Galicia.

Historia

O Puent romano de Lugo.

L'orichen d'a ciudat de Lugo ye un antigo castrum u campamento d'una Lechión romana, establito en o lugar en epoca de César Augusto por o militar Paulo Fabio Maximo, con o nombre de Lucus Augusti, con o nombre d'o dios celta Lug amás d'o propio nombre d'o emperador.

Dimpués d'estar conquerita por os sueus, istos en facioron a seu bispal prencipal d'o suyo reino, y en depeneban os bispes de Tui, Astorga, Iria Flavia y Ourense, encara que a ciudat perdió en ixas envueltas a mayor parte d'a suya población. Asinas, a meyatos d'o sieglo VII se prenió a decisión de soterrar a ciudat romana y construyir una nueva ciudat dencima. Sindembargo, a mayor parte d'a población d'a nueva ciudat yeran eclesiasticos.

En o sieglo XIX atras ciudatz d'a comarca, como Mondoñedo u Ribadeo, teneban alto u baixo a mesma importancia que Lugo, y no estió dica 1833 con a creyación d'as provincias (y d'a provincia de Lugo) que a ciudat destacó sobre a resta d'as ciudatz d'arredol.

Administración

Reparto de concellers

Eleccions municipals
Partito	1979	1983	1987	1991	1995	1999	2003	2007
PP/AP-PDP-UL				12		12	9	9
PSG-PSOE				7		7	13	12
BNG				2		6	3	4
Total	25	25	25	25	25	25	25	25

Alcaldes

Lista d'alcaldes

Lechislatura	Nombre	Partito politico
1979–1983
1983–1987
1987–1991
1991–1995
1995–1999
1999–2003
2003–2007	Xosé Clemente López Orozco	Partido Socialista de Galicia-PSOE
2007–2011	Xosé Clemente López Orozco	Partido Socialista de Galicia-PSOE

Molimentos

A frontera d'a Seu de Santa María de Lugo.

• Muralla de Lugo, d'epoca romana, d'os sieglos III-IV, declarata en 2000 Patrimonio d'a Humanidat por a UNESCO. Ye achirmanata con a Gran Muralla Chinesa.
• Seu de Santa María. As suyas obras prencipioron en 1129, y ye d'estilo romanico.
• Termas romanas, declaratas Molimento Nacional en 1931.
• Puent romano de Lugo.
• Casa d'a Villa de Lugo, d'estilo barroco.

Localidatz achirmanatas

• Dinan (Bretanya).
• Viana do Castelo (Portugal).
• Qinhuangdao (Republica Popular de China).

Vinclos externos

• Se veigan as imachens de Commons sobre Lugo.
• Pachina web oficial municipal (gl)