Lug

De Biquipedia
Ir ta: navego, busca
Ilustración d'o mercurio galo, sincretismo entre Mercurio y Lug

Lug ye o dios con mayor presencia en a mitolochía irlandesa, y que recibió més que atros dioses en Irlanda, Britania, Galia, Celtiberia y talment en totz os países celtas. Estió un dios que cubriba muitas funcions. En a interpretatio romana fue asimilato a "Mercurio". O suyo nombre ha perdurato en a toponimia en nombres de ciudatz y en a literatura universal a traviés de presonaches d'o ciclo arturico. L'1 d'agosto se celebra a fiesta de Lug u "Lugnasad".

Teonimia y toponimia[editar | editar código]

O teonimo Lug lo relacionan con una radiz indoeuropea que en griego ha dato Leukos, "blanco" y en latín lux-lucis, "Luz". A radiz ye a man d'a parabra que en bells idiomas celtas designa a una especie de corvido, y talment por ixo l'animal de Lug siga o cuervo, como dimpués n'estaría d'Odín.

Son muitos os toponimos que se remontan a "fortaleza de Lug" - Lugdunum como "León del Roine" y "Leiden". "Sent Bertran de Comenges" fue fundato como Lugdunum por Pompeyo. Manimenos tamién s'ha desacherato muito este aspecto y no totz os que tienen un pareixito fonetico pueden interpretar-sen asinas. Por eixemplo Luco de Bordón y Luco de Xiloca millor s'interpretan dende o latín Lucus, "calvera en a selva". O mesmo podríanos dicir de Lviv (Ucraína).

Culto de Lug entre os celtibers y pueblos afins[editar | editar código]

En Penyalba de Bellestar (Comunidat de Teruel) recibiba culto y unas inscripcions testimonian o suyo culto.

Lug en Galia[editar | editar código]

Chulio César se refiere a éll como Mercurio en Bello Gallico.

Lug en a tradición britana y en os mitos arturicos[editar | editar código]

En os Mabinoggion bi ha un presonache que talment se remonte a Lug y que se diz Lleu Llaw Gyffes. A parte d'o pareixito fonetico tenemos a coincidencia que fa de zapatero en parte d'a suya historia, coincidindo con un atributo que tien o Lug irlandés.

Por o que respecta a los mitos arturicos a lo principio o dios orichinal "Lug" quedó redueito a la figura d'o rei Loth. Manimenos en a tradición bretona-armoricana o recuerdo d'o dios Lug evolucionó enta un presonache diferent, que fue adhibito a los presonaches arturicos como Lancelot por Chretien de Troyes enta l'anyo 1160.

Lug en a tradición irlandesa[editar | editar código]

Lug ye qui permite que a dinastía divina Tuatha de Dannam venza a los Fomore (representants d'o casos y equivalents d'os titans u os chigants en atras mitolochías). Lug ye tamién o pai d'o heroe irlandés Cuchulainn.

Bibliografía[editar | editar código]

  • Jean Markale Pequeño diccionario de mitología céltica. Alejandría, 1995. 2000.