Lost Command

Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla.

Lost Command
Títol	Lost Command
Poster teatralizato d'a cinta, obra de Howard Terpning.
Ficha tecnica
Dirección	Mark Robson
Producción	Mark Robson
Guión	Nelson Gidding (basato en Les Centurions de Jean Lartéguy)
Musica	Franz Waxman
Fotografía	Robert Surtees
Montache	Dorothy Spencer
Actors	Anthony Quinn Alain Delon George Segal Michèle Morgan Claudia Cardinale Maurice Ronet Grégoire Aslan Jean Servais Maurice Sarfati Jean-Claude Bercq
Datos y cifras
País(es)	Estaus Unius
Anyo	1966
Chenero	Cine belico
Durada	129 min.
Idioma(s)	Anglés
Companyías
Distribución	Columbia Pictures
Ficha en IMDb

Lost Command (títol en anglés, en aragonés Mando perdito, estrenata en Aragón con o títol de Mando perdido) ye una cinta estausunidense de l'anyo 1966 de cine belico ambientata en a guerra d'Indochina y en a batalla d'Alcher mientres a guerra d'independencia d'Alcheria, dirichita por Mark Robson seguntes un guión de Nelson Gidding (basato a novela en Les Centurions, de Jean Lartéguy), con una banda sonora orichinal de Franz Waxman y una dirección de fotografía de Robert Surtees. Producita por o mesmo Mark Robson ta Columbia Pictures, en o suyo reparto incluye a destacatos actors como Anthony Quinn, Alain Delon, George Segal, Michèle Morgan, Claudia Cardinale, Maurice Ronet, Grégoire Aslan, Jean Servais, Maurice Sarfati u Jean-Claude Bercq.

O rodache d'as scenas d'exteriors se fació en a provincia d'Almería, simulando que se tractaba d'o disierto d'Alcheria.

Argumento

A cinta prencipia mientres os zaguers momentos d'a batalla de Điện Biên Phủ, mientres a guerra d'Indochina con o lanzamiento de paracayidistas de l'exercito francés sobre Điện Biên Phủ. Poco dimpués, totz cayen prisioners quan os franceses reblan debant de l'ataque d'as tropas de Võ Nguyên Giáp y son internatos en un campo de prisioners, a on se fa papent o liderache d'o tenient coronel Pierre Raspeguy (Anthony Quinn). Con os Alcuerdos de Chinevra de 1954 os vietnamitas los liberan y tornan en Francia, a on Raspeguy ha d'estar licenciato. Sindembargo, con l'aduya d'o capitán Phillipe Esclavier (Alain Delon) y d'a contesa Natalie de Clairefons (Michèle Morgan) recibirá o mando d'un nuevo rechimiento de paracayidistas y a orden de rematar con a situación d'insurrección en l'Alcheria francesa, a on os alcherians han prencipiato a guerra d'independencia d'Alcheria y a on habrá de luitar contra o lider d'a sublevación, que ye amás o suyo antigo subordinato en Vietnam o tenient Mahidi (George Segal).

Reparto

• Anthony Quinn, en o papel d'o tenient coronel Pierre Raspeguy. Inspirato por Marcel Bigeard.
• Alain Delon, en o papel d'o capitán Phillipe Esclavier.
• George Segal, en o papel d'o tenient Mahidi. Inspirato por Larbi Ben M'hidi.
• Michèle Morgan, en o papel d'a contesa Natalie de Clairefons.
• Maurice Ronet, en o papel d'o capitán Boisfeuras. Inspirato por Paul Aussaresses.
• Claudia Cardinale, en o papel d'Aicha.
• Grégoire Aslan, en o papel d'o Dr. Ali Ben Saad.
• Jean Servais, en o papel d'o cheneral Melies.
• Maurice Sarfati, en o papel de Merle.
• Jean-Claude Bercq, en o papel d'Orsini.
• Syl Lamont, en o papel de Verte.
• Jacques Marin, en o papel de comandant.
• Jean-Paul Moulinot, en o papel de De Guyot.
• Andrés Monreal, en o papel d'Ahmed.
• Gordon Heath, en o papel de Dia.
• Albert Simono, en o papel de Sapinsky (acreditato como Simono).
• René Havard, en o papel de Fernand.
• Armand Mestral, en o papel de l'administrador colonial.
• Burt Kwouk, en o papel d'oficial d'o Viet Minh.
• Al Mulock, en o papel de Mugnier.
• Marie Burke, en o papel d'a sinyora Raspeguy.
• Aldo Sambrell, en o papel d'Ibrahim.
• George Rigaud, en o papel d'o mosén basco.
• Roberto Robles, en o papel de Manuel.

Vinclos externos

• (en) Lost Command en IMDb.
• (en) Lost Command en IMDb.
• Trailer orichinal d'a cinta, en YouTube.