Lewis Capaldi
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Lewis Capaldi | ||
|---|---|---|
 Lewis Capaldi mientres un concierto en 2019 en Baden-Baden.
| ||
| Información personal | ||
| Nombre | Lewis Capaldi | |
| Embotada | ||
| Naixió | 7 d'octubre de 1996 | |
| Murió | ||
| Información musical | ||
| Orichen |  Glasgow (Escocia)
| |
| Estilo | Musica pop Musica folk rock | |
| Ocupancia | ||
| Instrumentos | Voz Compositor | |
| Tiempo | 2013-... | |
| Discograficas | Capitol Records Virgin EMI Records | |
| Relacionau con | ||
| Pachina web | http://www.lewiscapaldi.com/ | |
Lewis Capaldi, naixiu de Glasgow (Escocia) o 7 d'octubre de 1996 ye un cantaire y compositor escocés de musica pop y musica folk rock, activo en o mundo d'a musica profesionalment dende primerías d'os anyos 2010, encara que dende meyaus d'os anyos 2000 ya cantaba en publico y ya feba musica con o piano y la guitarra. Antiparte, ye primo de l'actor Peter Capaldi.
En l'anyo 2018 grabó lo suyo primer single, Someone You Loved, con o cual tenió a-saber-lo d'exito y inició la suya carrera artistica internacional, en plegar en a primera posición en as listas d'exitos de países como Canadá, Estaus Unius, Reino Uniu u Irlanda. O suyo primer álbum estió Divinely Uninspired to a Hellish Extent, en mayo de 2019, que tamién se convertió en un exito de ventas mientres varias semanas en Irlanda y lo Reino Uniu, en obtenendo bellos discos de platín por as suyas vendas. En iste álbum s'incluyiban os singles Hold Me While You Wai y Grace, editando-se en 2020 una versión extendida de l'álbum que tamién incluyiba lo single Before You Go, que tamién heba teniu a-saber-lo d'exito como single, plegando en o top 10 en cuantos países.
Anyadas previas[editar | modificar o codigo]
Lewis Capaldi ye naixiu de Glasgow o 7 d'octubre de 1996 en una familia d'ascendencia irlandesa, escocesa y italiana, y dende la suya infancia ya amostraba muito intrés por a musica, en tenendo con nomás que dos anyadas bellos conoiximientos basicos de cómo fer musica con o piano u con a guitarra. Con nomás que nueu anyadas ya cantaba en publico y bien luego principió a puyar la suya musica en bellas plataformas como SoundCloud dica que cuan teneba 17 anyadas lo descubrió Ryan Walter, qui esdeviendría lo suyo manager.
Carrera musical[editar | modificar o codigo]
Bien luego, Capaldi sinyó un contracto discografico con Virgin EMI Records y grabó lo suyo primer single, Bruises, en plegando en a 17ena posición en a UK Singles Chart, en convertindo-se en disco de platín en plegar en as 600.000 unidaz vendidas en territorio britanico. Dimpués publicó lo suyo segundo single, Lost On You, con o cual obtenió un disco d'archent en vender-ne 200.000 unidaz. En octubre de 2017 publicó lo suyo primer EP, titulau Bloom.
En chunio de 2018 publicó un single titulau Tough que se convertió en la suya primera canción en dentrar en as listas de vendas irlandesas, en plegando en a 39ena posición y bels meses dimpués publicó lo suyo single Grace, que plegó en a 10ena posición en as listas d'Irlanda y en a 9ena en o Reino Uniu, obtenendo-ne tamién un disco de platín en superar as 600.000 unidaz vendidas.
Pero la fama internacional li plegó en publicar o suyo single Someone You Loved, que plegó en a primera posición en as listas de ventas d'Irlanda y d'o Reino Uniu, a on encara se bi mantenió en ixa posición mientres siet semanas consecutivas. Ista estió tamién la suya primer canción en dentrar en listas internacionals, plegando a estar o single mas vendiu en Canadá y Estaus Unius, numero 3 en Suiza, numero 4 en Australia y Nueva Zelanda, numero 8 en Austria y numero 10 en Alemanya, en obtenendo con as suyas vendas un triple disco de platín en Australia y Reino Uniu, y doble en Canadá, Estaus Unius y Nueva Zelanda.
En mayo de 2019 publicó lo suyo single Hold Me While You Wait, que se convertió en lo suyo segundo numero uno en as listas irlandesas, y 4 en as britanicas, recibindo-ne-ie tamiuén un atro disco de platín. Tamién en mayo publicó lo suyo primer álbum d'estudio, Divinely Uninspired to a Hellish Extent, con o cual batió récords de vendas en o Reino Uniu en dentrar en a UK Albums Chart con 89.506 unidaz vendidas, estando lo millor enguero d'un álbum en 2019; ixa semana amás vendió mas álbums que toda la combinación de toz os atros d'o top 10. Con nomás que una semana publicau, l'álbum se convertió en disco d'oro en vender mas de 100.000 unidaz y con nomás que un mes plegó a estar disco de platín, en vender mas de 300.000 unidaz. En Irlanda o disco tamién estió exito de vendas, en ocupando la primera posición (mantenendo-se mientres atras cuatro semanas mas) convertindo-se en lo récord de vendas ta un primer álbum d'un artista d'a decada y lo récord de vendas de 2019.
O 26 de chinero de 2020, en a 62ena edición d'os Premios Grammy estió nominau a lo Grammy a la Canción de l'Anyo por Someone You Loved y en febrero de 2020 estió lo ganador d'o Premio Brit a lo Millor Artista Revelación en a suya 40ena edición 2020, amás d'o Premio Brit a la Canción de l'Anyo.
Vinclos externos[editar | modificar o codigo]
Se veigan as imáchens de Commons sobre Lewis Capaldi.- (en) Web oficial de Lewis Capaldi.
- (en) Lewis Capaldi en MusicBrainz.
- (en) Lewis Capaldi en Internet Movie Database.
| Predecesor: Tom Walker |
Premio Brit a lo Millor Artista Revelación 2020: 40ena edición |
Succesor: Arlo Parks |