Leptoptilos crumenifer

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Leptoptilos crumenifer
Un marabú (Leptoptilos crumenifer).
Denominacions populars
marabú ^[1], marabú africano ^[2]
Estau de conservación
Seguro (IUCN)
Clasificación cientifica
Reino:	Animalia
Filo:	Chordata
Clase:	Aves
Orden:	Ciconiiformes
Familia:	Ciconiidae
Chenero:	Leptoptilos
Especie:	L. crumenifer
Descripción
Leptoptilos crumenifer Lesson, 1831
Distribución cheografica
Distribución d'o marabú.

O marabú (Leptoptilos crumenifer (Lesson, 1831)^[3]) ye una au d'a orden d'os Ciconiiformes y familia Ciconiidae que se creye que os eixemplars grans aconsiguen una altaria de 152 centimetros, una envergadura de 3,7 m y un peso de 9 kg. Lo peso tipico ye de 4,5 a 8 kg y a longaria (dende o pico dica a coda) ye de 120 a 130 cm. As fembras son mas chicotas que os masclos.

A esperanza de vida ye de 43 anyos en cativerio y 25 anyos en libertat.

Ista au gran y poderosa s'alimenta sobretot de carnuz, borrufalla y fieces, pero de traza oportunista mincha cuasi cualsequier materia animal que pueda trusquir. De tanto en tanto s'alimenta d'atras aus, incluyius palomos, pelicanos, cormorans y mesmo flamencos.

Cada vegada mas, os marabús s'han tornau dependients d'a vasuera humana y cients d'istas enormes aus se pueden trobar arredol d'os abocaders africanos u asperando aduya en as arias urbanas. S'ha visto que os marabús que minchan vasuera humana trasquen practicament cualsequier coseta que puedan engullir, incluyius calcero y piezas de metal.^[4]

Referencias

↑ (an) Consello Asesor de l'Aragonés: Informe lumero: 5: Enample d'a lista patrón d'os nombres d'as aus en aragonés, Fuellas 186-187, 2008, pp. 29-33
↑ (an) Diccionario aragonés-castellano-catalán. Versión preliminar. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
↑ (en) Stevenson, Terry and Fanshawe, John (2001). Field Guide to the Birds of East Africa: Kenya, Tanzania, Uganda, Rwanda, Burundi. Elsevier Science, ISBN 978-0856610790
↑ (en) Hancock, Kushlan & Kahl, Storks, Ibises and Spoonbills of the World. Princeton University Press (1992), ISBN 978-0-12-322730-0