Las Planas de Castellot

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Las Planas de Castellot
Lugar d'Aragón
Las Planas de Castellot
Entidat  • País  • Provincia  • Comarca  • Municipio	Lugar  Aragón  Teruel Mayestrato Castellot
Partiu chudicial	Alcanyiz
Población  • Total	23 hab. (1999)
Altaria  • Meyana	690 m.
Distancia  • 154 km	enta Teruel
Codigo postal	44563
Parroquial  • Diocesi  • Arcipestrau  • Parroquia	Teruel y Albarracín Alcorisa Sant Marcos evanchelista
Coordenadas	40°43’45’’N 0°18’54’’U
Las Planas de Castellot Las Planas de Castellot en Aragón

Las Planas de Castellot (Las Planas de Castellote en castellano) ye un lugar de la provincia de Teruel, situato en lo municipio de Castellot. La suya población yera de 23 habitants en 1999.

Toponimia

Dica 1785 se clamaba Aldeya de Las Planas. Dende 1833 ya s'escribe Las Planas de Castellote.

Cheografía

Ye situato a man de lo entibo de Santolea. Lo suyo nuclio s'ha desembolicato arredol de la ilesia de Sant Marcos, de lo sieglo XVII. A man de las planas bi ha lugars d'intrés como la masía de El Huergo, las masías de Perogil u los Perogiles y L'Alconzal.

Historia

Plegó a tener 476 habitants en 1875. Dende 1711 dica 1833 pertenex a lo correchimiento d'Alcanyiz. En 1834 teneba achuntamiento, estando de lo partiu chudicial de Castellot. En 1845 dixa de tener achuntamiento y s'adhibe a lo municipio de Castellot.

En los anyos 1970-1980 uns hippies de ciudat establioron una comuna en Los Perogiles, pero en la mes gran parte la deixoron a los pocos anyos, quedando-ne només una familia.

Luengas

La población autoctona emplega aragonesismos, a sobén coincidents con lo catalán de Zurita u Auguaviva como batolla, cantara, corbella, cocio, dugal, esculla, estrudes, falz, poyata, samugas, simentallas, tarranclo y zoqueta. Bi ha catalanismos claros como potas, raspall.

Galería d'imachens

• 
  Ilesia de Sant Marcos de Las Planas de Castellot.
• 

Referencias

• Chusé Loís Carcelero. Chiqueta replega d'aragonés repuyal feita en as Planas de Castellote. Revista Ruxiada, L 4, Chulio-Agosto-Setiembre de 1990.

• Datos: Q9020524