La Jota
| La Jota | |
| Barrio de Zaragoza | |
 Molimento a os ninos | |
| Entidat • País • Ciudat • Districto |
Barrio Aragón ZaragozaRabal |
| Codigo postal | 50.014 |
| Carreras prencipals | Marqués de la Cadena, Avta.Catalunya, Plza.Mozart |
.png) La Jota en a marguin ezquierda | |
La Jota ye un barrio d'a ciudat de Zaragoza situau en a marguin ezquierda d'o río Ebro, en o districto d'o Rabal.
Servicios y comunicacions[editar | modificar o codigo]
Transporte[editar | modificar o codigo]
Ye un barrio muit bien comunicau con a resta d'a ciudat, con as linias d'autobús 21, 28, 32, 39, 44, 50, Ci1, Ci2 y a traviés d'os dos cinturons urbans que i pasan, a Z-30 y a Z-40.
Comercio[editar | modificar o codigo]
Tien un puerto fluvial chunto a lo río Ebro, cuantas tabiernas, mercaus tradicionals y cuantos supermercaus (Simply, Mercadona, Día, Eroski y Bonárea). O barrio tamién aculle o Centro d'Especialidaz Medicas Gran Covián. I hai 5 colechios y institutos publicos, 1 centro de salut d'o Servicio Aragonés de Salut, un Centro Civico, una Casa de Choventut, una parroquia, 2 campos de fútbol y zonas verdas como a ribera y o soto d'o río Gállego.
Como curiosidat, as carreras son mayorment referidas a ixoters y cantadors folkloricos aragoneses, como Pascuala Perié, José Oto, María Virto u Felisa Galé. Tamién i existen carreras adedicadas a grans compositors de musica de rondallas ixoteras u piezas tradicionals aragonesas, como o mayestro Calavia u o mayestro Orús.
Zonas verdas[editar | modificar o codigo]
O prencipal espacio verde d'o barrio ye o parque d'Orient. Atras zonas verdas incluyen o parque d'o Rabal, a on ye situada una estatua d'un afamau ixotero, clamau Royo d'o Rabal, y o de Vadorrei, decorau con un antigo barco en memoria d'o trafico fluvial que sulcaba o río Ebro entre a desembocadura y a ciudat de Zaragoza. Tamién a lo canto d'a ribera d'o río Ebro, chunto a o parque d'Orient, ye o reloch solar mas gran d'o mundo.
Historia[editar | modificar o codigo]
Orichens[editar | modificar o codigo]
En os suyos orichens ista zona yera conoixida como barriada d'Escudero, estando clarament un barrio de tradizión obrera, con una población orichinal que se nutriba prencipalment de mano d'obra emigrant proveniente d'os lugars d'a ribera d'Ebro y que veniba a treballar a las fabricas situadas en l'amanau Poligono Industrial de Cogullada.
O barrio de la Jota estió un d'os barrios pioners en Zaragoza en organizar-se y en a creyación d'una Asociación de Vecins ta demandar milloras en as infraestruturas d'o barrio (como cuasi toz os barrios obrers d'emigración surtius chunto a instalacions industrials, pobras en servicios y en infraestruturas en os suyos inicios) y ta refirmar a os suyos vecins en as reivindicacions y en a luita por millorar a calidat de vida d'os mesmos.
Atentau d'ETA[editar | modificar o codigo]
L'11 d'aviento de 1987, a organización terrorista ETA atentó contra a casa cuartel d'a Guardia Civil situada en l'Avenida de Catalunya, chunto a o barrio de la Jota, a traviés d'un coche bomba, prevocando a destrución de l'inmueble. I habió once muertos, beluns d'els yeran ninos, y muitos ferius entre os habitadors d'a casa cuartel.
Huei, en ixe mesmo puesto, i hai una plaza clamada Parque de l'Asperanza ta remerar iste feito, con un conchunto d'estatuas en alcordanza d'os ninos asasinaus.
Cultura y mosica[editar | modificar o codigo]
En o barrio de la Jota i hai una important tradición de rap y hip-hop, habendo-ie amaneixiu cuantos grupos y compositors d'iste estilo de mosica, como o gran conoixiu y famoso rapero d'o grupo de Violadores del Verso, Kase.O. Tamién surtioron en os anyos 90 cuantos grupos de musica rock, estando l'abanderau d'ista tendencia, o grupo Distrito 14.
Se veiga tamién[editar | modificar o codigo]