Supermercau

De Biquipedia
Ir a la navegación Ir a la búsqueda
Supermercau
Interior d'un supermercau

Un supermercau (u supermercato, forma conservadera con a xorda intervocalica) ye una botiga en a que se venden productos variaus, que gosan incluyir comida (ultramarins, fruita y verdura fresca, conchelaus, carne, pescau, etc.), productos d'hichiene y de limpieza y a vegadas tamién electrodomesticos u ropa. Se diferencia d'una botiga d'ultramarins más que más en a suya mida, que gosa estar más gran, y d'un mercau en que os diferents tipos de productos los vende o mesmo establimiento y se pagan totz chuntos a la fin. Beluns fan parti de franquicias. Os supermercaus se troban en os lugars y as ciudatz mientres que os hipermercaus son de dimensions muito más grans y gosan trobar-se en as carreteras (u en as autopistas y autovías), u actualment a sobén en grans centros comercials en os que tamién gosa haber-ie locals de restauración y cines, por eixemplo, que por un regular tamién se troban en carreteras u autovías, en as redoladas d'as ciudatz.

Os clients que dentran a un supermercau por un regular lo recorren con un carret u una cesteta, a on van guardando os productos que crompran. Os productos son distribuitos por seccions: ultramarins, alimentos frescos, alimentos conchelaus, bebidas, etc. Istas seccions, a la vegada, s'organizan en pasadizos clasificaus por a suya naturaleza: galletas, cerials, fruitas, carnes, etc. O client u a clienta fa o pago d'a crompa en a caixa que ye situada en as salidas d'o establimiento.

A distribución de seccions ye muit parellana en totz os supermercaus. A intención ye que o client i faiga o recorriu más amplo posible de manera que os productos de primera necesidat se i fiquen en diferents puntos y, por un regular, aleixaus d'a dentrada: carne, pescau, fruita y legumbres, yogurs, pan, leit, augua, etc.

O muebles con repalmars a on s'exponen os productos se dicen aparadors. D'atra man, os productos conchelaus y lactios s'exponen en arcons frigorificos. A parti de marketing que s'ocupa d'as tecnicas d'optimización de venda de productos en una superficie d'autoservicio se diz merchandising.

Se veiga tamién[editar | modificar o codigo]