Key Largo (cinta)

Iste articlo ye sobre una cinta de cine estausunidense de 1948; ta atros usos, se veiga Key Largo.

Key Largo
Títol	Key Largo
Póster d'a cinta.
Ficha tecnica
Dirección	John Huston
Dirección artistica	Leo K. Kuter
Producción	Jerry Wald
Guión	Richard Brooks y John Huston (adaptación d'una obra teatral de Maxwell Anderson)
Musica	Max Steiner
Fotografía	Karl Freund
Montache	Rudi Fehr
Vestuario	Leah Rhodes
Actors	Humphrey Bogart Edward G. Robinson Lauren Bacall Lionel Barrymore Claire Trevor
Datos y cifras
País(es)	Estaus Unius
Anyo	1948
Debantadera	16 de chulio de 1948 Los Angeles (California) y Nueva York (Nueva York) en Estaus Unius
	31 de chulio de 1948 Estaus Unius
Chenero(s)	Cine negro Cine policiaco Cine de drama Cine de gángsters
Durada	101 min.
Idioma(s)	Anglés
Companyías
Productora(s)	Warner Bros.
Distribución	Warner Bros.
Presupuesto	1,8 millons de dólars
Informacions en bases de datos especializadas:

Key Largo (títol orichinal en anglés, en aragonés Cayo Luengo, enguerada en Aragón con o nombre traduciu enta lo castellano como Cayo Largo) ye una cinta de cine negro dramatico y cine policiaco de gángsters estausunidense de l'anyo 1948 dirichida por John Huston seguntes un guión de Richard Brooks y John Huston basau en una obra teatral de Maxwell Anderson. Producida por Jerry Wald ta la Productora cinematografica Warner Bros., conta con una dirección de fotografía de Karl Freund y una banda sonora orichinal de Max Steiner y en l'elenco d'a cinta partecipan destacaus actors como Humphrey Bogart, Edward G. Robinson, Lauren Bacall, Lionel Barrymore u Claire Trevor, entre d'atros.

Argumento

Frank McCloud ye un veterano de l'exercito estausunidense que plega en os Keys de Florida, en un vetusto hotel que chestiona un viello, James Temple, aduyau por Nora, la viuda d'o suyo fillo que heba estau companyero de Frank en l'exercito. Bien luego plega en o mesmo hotel una colla de gángsters dirichida por Johnny Rocco, que ye citau con una atra banda ta los suyos negocios ilegals. Os gángsters toman a Frank, Temple y Nora como rehens y la situación se complica porque s'amana en o lugar un huracán.

Cuan plega l'atra banda, toz éls conoixen que lo sheriff d'o lugar los cosira, pero Rocco li diz a lo sheriff adchunto, Rodney, que él no ye so que un turista que ha plegau en o lugar nomás que ta fer pesca esportiva. Rocco y los gángsters quieren apoderar-se'n d'o solo barco d'a isla y fuyir-ie enta l'amanada isla de Cuba, pero ta poder-lo fer lis cal l'aduya d'o comandant McCloud, qui ha de pilotar o barco. Finalment Frank accepta de fer o treballo, encara que en o pasau estió presonero d'a banda de Rocco, qui lo torturó.

Tanimientres, mientres o viache en o barco, Frank consigue matar un a un a toz os gángsters, en deixando a Rocco ta lo zaguero en morir, y torna en o puerto con o barco, a on l'asperan Temple y Nora.

Reparto

Actor	Papel	Notas
Humphrey Bogart	Comandant Frank McCloud
Edward G. Robinson	Johnny Rocco/Howard Brown
Lauren Bacall	Nora Temple
Lionel Barrymore	James Temple
Claire Trevor	Gaye Dawn
Thomas Gomez	Richard "Curly" Hoff
Harry Lewis	Edward "Toots" Bass
John Rodney	Sheriff Clyde Sawyer
Marc Lawrence	Ziggy
Dan Seymour	Angel Garcia
Monte Blue	Sheriff Ben Wade
William Haade	Ralph Feeney
Jay Silverheels	John Osceola	No acreditau
Rodd Redwing	Tom Osceola	No acreditau

Premios

Premio	Calendata	Edición	Categoría	Premiau	Notas
Premios Oscar	1949	21ena edición	Oscar a la Millor Actriz Segundaria	Claire Trevor
Premios WGA	1949	1a edición	Nominada a lo Premio WGA a lo Millor Guión de Drama	Richard Brooks y John Huston
American Film Institute			Nominada a l'AFI's 10 Top 10	Cinta de gángsters

Se veiga tamién

• Cine en 1948.
• Cintas de 1948.

Vinclos externos

• Se veigan as imáchens de Commons sobre Key Largo.
• (en) Key Largo en Internet Movie Database.
• (en) Key Largo en Rotten Tomatoes.
• (en) Key Largo en TCM Movie Database.
• (en) Key Largo en AllMovie.
• (en) Key Largo en l'American Film Institute Catalog.