Jaws (cinta)

Jaws
Títol	Jaws
Póster d'a cinta, obra de Roger Kastel.
Ficha tecnica
Dirección	Steven Spielberg
Producción	Richard D. Zanuck David Brown
Disenyo de producción	Joe Alves
Guión adaptau	Peter Benchley Carl Gottlieb
Basau en	Jaws, novela de Peter Benchley de 1974
Musica	John Williams
Fotografía	Bill Butler
Montache	Verna Fields
Escenografía	John M. Dwyer
Maquillache	Del Armstrong John Chambers Jim Gillespie
Peluquería	Verne Caruso
Actors	Roy Scheider Robert Shaw Richard Dreyfuss Lorraine Gary Murray Hamilton Carl Gottlieb Jeffrey Kramer Susan Backlinie Lee Fierro
Color	Technicolor Panavision
Datos y cifras
País(es)	Estaus Unius
Anyo	1975
Debantadera	20 de chunio de 1975 Estaus Unius
Chenero(s)	Cine d'intriga Cine de terror
Durada	124 min.
Idioma(s)	Anglés
Companyías
Productora(s)	Zanuck/Brown Company Universal Pictures
Distribución	Universal Pictures
Presupuesto	9 millons de dólars
Recauto	476,5 millons de dólars
Informacions en bases de datos especializadas:

Jaws (títol orichinal en anglés, en aragonés Mandibulas, enguerada en Aragón con o títol de Tiburón) ye una cinta de cine de terror y cine d'intriga de l'anyo 1975 de cine estausunidense dirichida por Steven Spielberg seguntes un guión adaptau por Peter Benchley y Carl Gottlieb (basau en Jaws, una novela publicada por Peter Benchley en 1974), con una banda sonora orichinal de John Williams, una dirección de fotografía de Bill Butler y una producción cinematografica de Richard D. Zanuck y David Brown ta las productoras Zanuck/Brown Company y Universal Pictures. Fan parte de l'elenco d'a cinta Roy Scheider, Robert Shaw, Richard Dreyfuss, Lorraine Gary, Murray Hamilton, Carl Gottlieb, Jeffrey Kramer, Susan Backlinie y Lee Fierro, entre d'atros actors.

Martin Brody ye lo chefe d'a Policía d'una localidat turistica en a costa d'Estaus Unius. Bel día una mesacha marcha a nadar de nueiz en l'oceano y a lo matín siguient se troba lo suyo cadavre en a placha con o que según o medico forense ye una caixalada d'un tiburón. Martin zarra las plachas d'a localidat per l'alcalde, Larry Vaughn, lo convence de que ye lo resultau d'un accident de navegación y las torna a ubrir. Cuan s'escayece una segunda victima, s'ufre una recompensa y finalment cazan a un gran tiburón. Pero l'oceanografo Matt Hooper no troba trazas de restas humanas en o suyo interior y considera que iste no ye lo tiburón que ha feito los ataques. Finalment, cuan s'escayecen nuevas victimas y lo mesmo fillo de l'alcalde ye amán d'estar-ne una, l'alcalde accepta actuar, zarrando las plachas y mermetendo que Martin y Brad marchen en o barco de Quint, un cazador profesional de tiburons.

A cinta s'ambienta en a suya espoca actual (1975) en a costa atlantica d'Estaus Unius, en Nueva Anglaterra. A suyas escenas se filmoron en localidaz de Massachusetts, en Los Angeles y atras localidaz en California y en Australia Meridional en Australia.

Ye una cinta que ha recibiu cuantismos premios, en destacando tres Premios Oscar en a suya 48^ena edición (Millor Montache, Millor Banda Sonora Orichinal y Millor Soniu) amás d'a nominación a lo Premio Oscar a la Millor Cinta. En a 29^ena edición d'os Premios BAFTA recibió lo Premio BAFTA a la Millor Banda Sonora amás de seis nominacions (incluyidas Millor Cinta, Millor Director y Millor Actor. D'atra man, en a 33^ena edición d'os Premios Globos d'Oro tamién recibió tres nominacions (Millor Cinta Dramatica, Millor Director y Millor Guión).

Elenco

Actor	Papel	Notas
[[]]	'

Se veiga tamién

• Cine en 1975.
• Cintas de 1975.