Inclusa

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

As inclusas son obras hidraulicas que permiten ganar desnivels d'o terreno en canals navegables, puyando u baixando as llantas u barcas que se troban en ellas. Pueden fer parti d'as estructuras complementarias d'una entibadera, cuan ista se construye sobre ríos navegables.

Son muit conoixitas as inclusas d'a Canal de Panamá. En Europa, a on que navegación interior ye desembolicata, se puet navegar dende a Mar d'o Norte dica la Mar Negra trescruzando cuantas inclusas.

O cruce de una inclusa ye una operación prou lenta; ya que bi ha que equilibrar os rans d'augua, primero con o trampo d'a canal a on que se troba o barco y dimpués con l'atro trampo enta on saldrá. Isto se fa plenando u vuedando as arcas u nantas seguntes intrese. Ye por ixo que o consumo d'augua ye considerable; ta disminuyir-lo se mira de no plenar u vuedar a inclusa si no bi ha un barco que quiere trescruzar-la. Iste ye tamién un d'os motivos por os que en cheneral se construyen dos inclusas en paralelo; asínas, parti de l'agua que se vueda d'una se puede emplegar ta plenar l'atra.

Tecnicament, o limite d'esnivel que puet ganar-se con una sola inclusa ye d'alto u baixo 25 m. Ta esnivels mas grans cal pensar en inclusas concatenatas, lo que fa encara mas dificil a operación, u cal pensar en atros dispositivos como:

ascensors de barcos, d'os que ya se'n ha construito cuantos tipos
plans inclinatos d'augua

En Belchica, sobre a canal "du Centre", s'inauguró en 2002 l'ascensor funicular de Strépy-Thieu, que permite ganar un esnivel de 73 m.

Se veiga tamién

Vinclos externos

Se veigan as imáchens de Commons sobre inclusas.

Datos: Q105731
Multimedia: Locks (water transport) / Q105731