Casablanca (Zaragoza)

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre o barrio de Zaragoza. Ta atros usos se veiga Casablanca (desambigación)

Casablanca
Districto urbán de Zaragoza
Paseyo Reis d'Aragón
Entidat  • País  • Ciudat	Districto urbán Aragón Zaragoza
Subdivisions	Casablanca
Superficie  • Total	Pos. 8 de 15 5,69 km²
Población  • Total (2018)	Pos. 14 de 15 10.200 hab.
Codigo postal	50.012, 50.019
Nº distrito	2

Casablanca ye un districto de Zaragoza situato en a zona sud d'a ciudat. O suyo nombre biene de l'edificio de color blanca situato chunto a las inclusas d'a Canal Imperial d'Aragón, feito construir por Pignatelli.

Historia

Inclusas de Casablanca en a Canal Imperial d'Aragón.

A urbanización de Nuestra Sinyora de Las Nieves, vulgarment conoixida como «Las Nieves» fa parti d'o barrio dende a suya construcción, enta zaguerías d'os anyos 60. Como promoción de vivienda de protección oficial, estió una d'as primeras urbanizacions Zaragoza en as que se planteyaba una configuración de bloques arredol d'una plaza con equipamientos comuns de zonas verdas y mesmo calefacción central. O feito de trobar-se situada en a marguin dreita d'a Canal Imperial d'Aragón, isolada d'a resta d'o barrio, chunto a la configuración social d'o mesmo y a os vinclos cerenyos de relación entre os vecins fació que l'ambient que se respiraba en as suyas carreras s'asemellara a o d'una chicota población.

También fa parti d'iste districto o chicot barrio de Santa Fe, que se troba situau entre os termins municipals de Cuart de la Uerba y Cadret, formando un trazau contino con os suyos nuclios urbans.

Dica 2006, Casablanca feba parti d'o districto Universidat, pero en iste anyo s'independizó formando-se o nuevo districto. Mas tardi, o 23 de febrero de 2018 se modificó o districto con a creyación d'o nuevo Districto Sud que incluye os nuevos barrios de Val d'Espartera, Rosals d'a Canal, Montecanal y Arcosur.

En 2018 o districto Casablanca quedó con una superficie de 5.693.768 m² y una población de 10.279 habitants.

Mugas

Mapa d'o districto

O districto Casablanca tien as siguients mugas: Dende a intersección de l'avenida Alcalde Gómez Laguna con Vía Hispanidad, por ista y continando por a mechana de Ronda Hispanidad (Z-30) dica o cruce con a Canal Imperial d'Aragón, y por l'eixe d'iste en dirección sud dica o cruce con o camín d'a Chunquera, continando por él dica a intersección con o camín de l'Alfaz, contina iste camín dica a muga de termín con Cuarte y por a muga con Cuart, Cadret y María de la Uerba dica a intersección con l'A-23, por la mechana d'ista en dirección Zaragoza (incluyindo as parcelas d'o Colechio Britanico, d'a Ciudat Esportiva y a fabrica de vidre) dica a intersección con a Z-40, por l'eixe d'a calzada a Madrid en dirección sudeste dica a intersección con a N-330 y por ista y Vía Ibérica dica o cruce con Avenida Alcalde Gómez Laguna y dende ista rotonda dica a intersección de l'Avenida Alcalde Gómez Laguna con Vía Hispanidad.

Se veiga tamién

• Districtos de Zaragoza.

Vinclos externos

• Pachina d'a chunta municipal.

• Datos: Q10988476
• Multimedia: Casablanca, Zaragoza / Q10988476