Ilesia de Nuestra Sinyora de Baldós de Montanyana
| Ilesia de Nuestra Sinyora de Baldós de Montanyana | |
|---|---|
 Anvista d'a ilesia, en destacando la suya torre-campanal. | |
| Situación cheografica | |
| Estau |  Espanya |
| País |  Aragón |
| Comarca | Ribagorza |
| Situación | Montanyana (Puent de Montanyana) |
| Adreza | Ctra. enta Montanyana, 12 22584 Montañana, Huesca |
| Coordenatas | |
| Archidiocesi | Zaragoza |
| Diocesi | Balbastro-Monzón |
| Arcipestrau | Sobrarbe-Ribagorza |
| Información cheneral | |
| Advocación | Santa María |
| Culto | Catolico |
| Orden | |
| Rector | |
| Vicario parroquial | |
| 2.º Vicario parroquial | |
| Mosen | |
| Propietario | Ilesia Catolica |
| Administrador | |
| Director | |
| Coste | {{{coste}}} |
| Visitable | |
| Datos tecnicos | |
| Altaria | |
| Pisos | |
| Amplaria | |
| Largaria | |
| Superficie | |
| Diametro | |
| Aforo | |
| Altaria s.l.m. | 569 m. |
| Atras | |
| Alcance | |
| Iluminación | |
| Potencia | |
| Arquitectura | |
| Tipo | Ilesia |
| Estilo | Romanico |
| Función | Ilesia |
| Catalogación | Bien d'Intrés Cultural |
| Materials | Piedra picada |
| Construcción | |
| Construcción | Sieglo XIII |
| Fundador | |
| Inicio | |
| Fin | |
| Devantadera | |
| Destrucción | |
| Arquitecto | |
| Incheniero estructural | |
| Incheniero de servicios | |
| Incheniero civil | |
| Atros | |
| Premios | |
| Pachina web | |
| Localización | |
A ilesia de Nuestra Sinyora de Baldós de Montanyana ye una ilesia d'estilo romanico aragonesa (encara que de transición enta lo gotico)[1] que se troba en a localidat de Montanyana, en o termin municipal de Puent de Montanyana, comarca de Ribagorza y provincia de Uesca. Dende lo punto d'anvista d'a suya adscripción administrativa en a Ilesia Catolica, pende de l'arcipestrau d'Sobrarbe-Ribagorza en a diocesi de Balbastro-Monzón y de l'archidiocesi de Zaragoza.
Ye una ilesia consagrada a Santa María construyida mientres o sieglo XIII[1] que ye la ilesia parroquial d'o lugar. Se troba dencima d'un chicot tozal, a lo canto d'a on se i trobaba lo castiello d'o lugar.[2] Se debanta dencima d'una ilesia anterior, que estaba adedicada a sant Martín de Tours.[3]
Descripción
[editar | modificar o codigo]Planta
[editar | modificar o codigo]Se tracta d'un edificio con planta en forma de cruz griega (atras fuents afirman que en planta de cruz latina)[1] y dotau con un abside semicircular.[2] Poseye dos capiellas laterals dotadas de voveda apnchada, caracteristica que comparten con a voveda d'a nau principal (ta Cobreros ixas capiellas laterals son as que li dan forma de cruz griega a la planta).[2]
Abside
[editar | modificar o codigo]Como s'ha dito, lo suyo abside ye semicircular y tien una finestra en o suyo centro.[1]
Frontera meridional
[editar | modificar o codigo]Ye l'elemento mas destacau d'o templo.[1] Poseye seis arquivoltas (Antonio García Omedes en a suya web en menciona cinco)[1] con decoración simpla, que arredolan un timpano a on se amuestra a Cristo en Machestat u Pantocrátor (con un libro, la lux mundi, en a suya man cucha y bendecindo con a dreita)[3] con mandorla, estando reformau por un ánchel a cadaguno d'os cantos suyos.[2] O trasdós de l'arquivolta exterior ye dentau, con puntas de diamant.
En os capitels d'as columnas que refirman as arquivoltas se presentan escenas relativas a la expulsión d'o Paradiso terrenal d'Adán y Eva y d'astras escenas como l'Anunciación u la Resurrección de Cristo.[2]
Torre
[editar | modificar o codigo]A ilesia tien una torre-campanar adosada d'o sieglo XV,[3] con tres cuerpos, que destacan en estar marcaus cadagún d'éls por impostas en o suyo exterior.[1] A torre ye en estilo gotico y poseye cuatro cuerpos u altarias, tres exterior y lo baixo encastau en o templo.[3]
Retaulo
[editar | modificar o codigo]Se i conservaba un retaulo, pero fue robau por Erik o Belga, trastallau en partes y vendiu a coleccionistas foranos, trobando-se bellos fragmentos en poder de coleccionistas en Estaua Unius.[3]
Estatuaria
[editar | modificar o codigo]Tamién se i conservaba una estatua de Nuestra Sinyora de Baldós, que fue destruyida mientres a Guerra Civil Espanyola.[3] Ista estatua yera protagonista d'una leyenda local, que deciba que dimpués d'estar trobada por un pastor y colocada en una d'as capiellas laterals, a la estatua no li cuacó lo puesto y ella sola se tresladó enta l'altar central d'a ilesia.[3]
Referencias
[editar | modificar o codigo]- 1 2 3 4 5 6 7 (es) Montañana. Nª Sª de Baldós, en www.RománicoAragonés.com.
- 1 2 3 4 5 (es) Jaime Cobreros Aguirre: Las rutas del románico en España. Volumen II: Aragón, Cataluña, Navarra, País Vasco y La Rioja, Grupo Anaya, S.A., Madrit, 2004, 1era edición, ISBN 84-9776-112-X, p.217.
- 1 2 3 4 5 6 7 8 (es) Nuestra Señora de Baldós en a web Rutas con Historia
Vinclos externos
[editar | modificar o codigo]
Se veigan as imáchens de Commons sobre la ilesia de Nuestra Sinyora de Baldós.- (es) Montañana. Nª Sª de Baldós, en www.RománicoAragonés.com.
- (es) Nuestra Señora de Baldós en a web Rutas con Historia.
