Ibn Battuta
|
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
| Ibn Battuta | |
|---|---|
| |
| Información personal | |
| Calendata de naixencia | 25 de febrero de 1304 |
| Puesto de naixencia |  Táncher
|
| Calendata de muerte | 1368 u 1369 |
| Puesto de muerte | Marruecos
|
| Ocupación | Explorador |
Ibn Battuta (25 de febrero de 1304 – 1368 u 1369) u Abū 'Abd Allāh Muhammad ibn 'Abd Allāh ibn Battūta (en arabeأبو عبد الله محمد ابن عبد الله اللواتي الطنجي بن بطوطة) estió un viachero, explorador y erudito (ulema) musulmán berber d'a epoca d'a dinastía benimarín que ye conoixito por os suyos viaches ditos Rihla. Os suyos viaches duraban quasi trenta anyatas y cubriban quasi tot o mundo arabe conoixito y más allá, estendillando-sen dende l'Africa d'o Norte, l'Africa Occidental, o sud y l'este d'Europa por l'Occident, dica l'Orient Proximo, o subcontinent indio, Asia Central, Asia Suroriental y China por Orient; una distancia que supera a la d'os suyos predecesors y o suyo contemporanio Marco Polo.
Ye o más conoixito d'os grans viachers arabes gracias a la suya Rihla, un periplo que relató con detalle en una cronica dictata a lo estudioso granadín Ibn Yuzayy, por requesta d'o soldán benimarín. Practicament tot lo que se sape d'a suya vida procede d'iste relato, que encara que ye fantasioso u desacherato en bells puntos, y en o que s'intercalan muitos fragmentos de poesía, ye o retrato más fidel que existe d'a parti d'o mundo que o viachero recorrió por ixas envueltas. O relato d'istos viaches constituye una valiosa contrebución documental d'o mundo, más que más musulmán, contemporanio.[1]