Indicación cheografica protechida

Sello d'indicación cheografica protechida d'a Unión Europea en castellano

A indicación cheografica protechida (IChP) ye un d'os rechimens de calidat en a Unión Europea que identifica un producto alimentario que ye orichinario d'un puesto determinau, una rechión u un país, tien una calidat determinada, una reputación u un atra caracteristica que pueda esencialment estar dada a o suyo orichen cheografico, y como minimo una d'as suyas fases de producción, transformación u elaboración se fa en a zona cheografica definida.

Ye menester que se cumplan os requisitos estableixius en o Reglamento comunitario sobre rechimens de calidat de productos agricolas y alimentarios.^[1]

A IChP ye un distintivo d'identificación d'a Unión Europea, creyau en 1992. Inicialment s'asignaba nomás a productos alimenticios, pero dende 2009 s'aplica tamién a os vins (s'excluyen as bebidas espirituosas). As denominacions IGP son protechidas legalment en toda a Unión Europea.

A diferencia d'una denominación d'orichen protechida, parti d'a materia prima, u bien parti d'o proceso de producción, transformación u elaboración, puet provenir u se puet reyalizar difuera d'a zona cheografica. Manimenos, se guarencia a reputación y a calidat tradicional d'a zona. Por eixemplo, en a isla de Mallorca no i hai prou farina pa fer todas as ensaimadas tipicas.