Hondo (cinta)

Iste articlo ye sobre un western estausunidense de 1953; ta atros usos, se veiga Hondo.

Hondo
Títol	Hondo
Ficha tecnica
Dirección	John Farrow
Aduyant de dirección	Nathan Barragar
Dirección artistica	Alfred Ybarra
Producción	Robert M. Fellows John Wayne
Guión adaptau	James Edward Grant
Basau en	The Gift of Cochise, relato curto (1952) publicau en Collier's por Louis L'Amour
Musica	Hugo W. Friedhofer Emil Newman
Soniu	Nicolás de la Rosa
Fotografía	Robert Burks Louis Clyde Stoumen Archie J. Stout
Montache	Ralph Dawson
Maquillache	Web Overlander
Efectos especials	Al Gonzales
Actors	John Wayne Geraldine Page Ward Bond Michael Pate James Arness Rodolfo Acosta Leo Gordon Tom Irish Lee Aaker Paul Fix Rayford Barnes Frank McGrath Morry Ogden Chuck Roberson
Color	WarnerColor WarnerVision
Datos y cifras
País(es)	Estaus Unius
Anyo	1953
Debantadera	24 de noviembre de 1953 Houston (Texas, Estaus Unius)
Chenero(s)	Cine de western
Durada	84 mn.
Idioma(s)	Idioma anglés
Companyías
Productora(s)	Batjac Productions Wayne-Fellows Productions
Distribución	Warner Bros.
Informacions en bases de datos especializadas:

Hondo (títol orichinal, enguerada en Aragón con ixe meso títol) ye una cinta de cine de western de cine estausunidense enguerada l'anyo 1953 dirichida por John Farrow seguntes un guión adaptau por James Edward Grant (basau en The Gift of Cochise, un relato curto publicau en a revista Collier's por Louis L'Amour en 1952), con una banda sonora orichinal de Hugo W. Friedhofer y Emil Newman, una dirección de fotografía de Robert Burks, Louis Clyde Stoumen y Archie J. Stout, una producción cinematografica de Robert M. Fellows y John Wayne ta las productoras Batjac Productions y Wayne-Fellows Productions y un elenco d'o cual en fan parte, entre d'atros actors John Wayne, Geraldine Page, Ward Bond, Michael Pate, James Arness, Rodolfo Acosta, Leo Gordon, Tom Irish, Lee Aaker, Paul Fix, Rayford Barnes, Frank McGrath, Morry Ogden y Chuck Roberson. Cal mencionar que como lo radache s'eslongó mas d'o tiempo previsto y lo director Farrow se trobaba obligau por un contracto a dirichir una atra cinta, as escenas finals d'ista cinta fuoron filmadas por John Ford, qui no amanixe en os títols de credito d'a cinta.

Angie Lowe vive en a suya grancha con o suyo fillo de 6 anyos cuan i plega Hondo Lane a piet. Hondo ye un soldau de Caballería de l'exercito estausunidense que ha perdiu o suyo caballo y demana a Angie de mercar-ne-le uno, ufrindo-se ta treballar ta ella bel tiempo ta pagar-lo. Angie accepta y encara que repite de contino que su mariu tornará bien luego, Hondo descubre por bels indicios que a lo menos fa semanas que ye absent d'a grancha. Hondo preba de convencer a Angie de que l'acompanye porque los apaches son bien amán de dentrar en guerra pero Angie diz que éls tienen un alcuerdo particular con os apaches y que no los atacarán, pero Hondo no lo creye asinas y li diz que él heba viviu bel tiempo con os apaches y que yera casau con una apache y los conoix bien. Tanimientres, Angie decide remanir-ie. Cuan i plega en a grancha Vittorio, lo chefe apache, y un d'os apaches toca a Angie, lo fillo de 6 anys, Johnny, li dispara. Encara que falla, Vittorio queda impresionau por a suya valentía y decide convertir a Johnny en o suyo chirmano de sangre, decindo-le a la mai que un nino apache como agora lo ye Johnny amenista tener un pai que li ensenye tot. Hondo que ha plegau en o fuerte a on heba de plegar-ie, se baralla con Ed Lowe, qui se queixa d'a poca protección de l'exercito enta los colonos, parando cuenta dimpués que ye lo mariu d'Angie. A lo día siguient, Ed l'acusa d'haber-li robau o suyo caballo en veyer a marca d'o suyo rancho, y cuan Hondo se defiende mientres marcha ta tornar o caballo, intenta matar-lo, veyendo-se obligau Hondo a disparar contra él, matando-lo. Simultaniament, Vittorio li fa un ultimatum a Angie: como lo suyo mariu ye convenciu de que ha muerto, li da un plazo ta que aoareixca u la casará con un apache. Pero cuan os apaches troban a Hondo con una fotografía de Johnny (que li ha pillau a Ed), obliga a iste a combatir contra un apache. En resultar vencedor Hondo, los apaches lo levan enta lo rancho, a on Angie afirma que ye su esposo.

A cinta s'ambienta en Nuevo Mexico en bel momento indeterminau d'alto u baixo los anyos 1880, y las suyas escenas se filmoron en Fredonia, Patagonia y Sasabe (Arizona) y bels puestos en Utah en os Estaus Unius y Camargo y San Francisco de Conchos (Chihuahua) en Mexico.

Ye una cinta que ha recibiu bellas nominacions a premios cinematograficos, en destacando dos nominacions a los Premios Oscar (Millor Actriz Segundaria y Millor Argumento) en a suya 28^ena edición.

Elenco

Actor	Papel	Notas
[[]]	'

Se veiga tamién

• Cine en 1953.
• Cintas de 1953.

Vinclos externos

• (en) Hondo en Internet Movie Database.
• (en) Hondo en Rotten Tomatoes.
• (en) Hondo en TCM Movie.
• (en) Hondo en l'American Film Institute Catalog de l'American Film Institute.

• Datos: Q1888547