Herzegovina

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Herzegovina (ˌhɛərtsɨˈɡoʊvɨnə^[1] u ˌhɜrtsəɡoʊˈviːnə^[2] bosnio en alfabeto latino, croata y serbio en alfabeto latino: Hercegovina, serbio en alfabeto cirilico: Херцеговина) ye una rechión historica d'os Balcans correspondient sobre tot a la part meridional de Bosnia-Herzegovina, pero tamién a la part occidental de l'actual Montenegro. As mugas con Bosnia no son claras, pero se gosa considerar que coinciden con a muga este d'o cantón de Herzegovina-Neretva y a muga septentrional d'o cantón de Gornji Vakuf-Uskoplje. A muga con Croacia se considera clara, y a muga con o territorio orichinal de Montenegro tamién, estando mugas historicas heredadas. As medicions de l'aria d'Herzegovina dentro de Bosnia-Herzegovina van dende 11,419 km²,^[3] u arredol d'o 22% d'o total de l'aria de l'actual estau^[4] to 12,276 km², arredol d'o 24% d'o país.^[5]

Ye una rechión de modelau karstico. O clima ye mediterranio u submediterranio. En a ribera baixa d'o río Neretva bi ha una agricultura bien desembolicada con reganos mediterranios.

Toponimia

O toponimo Herzegovina significa "tierra d'o duque", referiu a lo ducau medieval de Herceg Stjepan. Herceg ye derivau d'o títol chermanico de Herzog.^[6]^[7]

Anteriorment a lo toponimo Herzegovina existiban denominacions de territorios eslaus antigos, en especial serbios como Hum / Zachlumia ("Chelmenia" en os Anales de la Corona de Aragón de Cheronimo Zurita) y Travunia.

Población

A población de Herzegovina ha estau historicament de diferents grupos etnicos que en bella ciudat podeban coexistir en as mesmas ciudaz y lugars. A Guerra de Bosnia-Herzegovina d'o decenio de 1990 implicó importants movimientos de población y mortaleras como resultau d'operacions de "limpieza etnica" por part d'os tres bandos. O zaguer censo anterior a la guerra ye de 1991 y cuaternaba una población de 437.095 habitants.

Os croatas pueblan as arias mes cercanas a la muga con Croacia y en especial en as ciudaz y redoladas de Mostar, Ljubuški, Široki Brijeg, Čitluk, Grude, Posušje, Čapljina, Stolac, Ravno, y Tomislavgrad. Neum estió historicament d'a Republica de Ragusa) y ye habitau por croatas d'orichen dalmata.

Os bosnios u bosnios musulmans, se troban en localidaz a lo largo d'o río Neretva, como Mostar, Konjic y Jablanica, zonas mes planas, ubiertas y con ciudaz on a turquización yera mes fácil. Manimenos en muitas poblacions os bosnios han coexistiu con os croatas.

Os serbios son a mayoría d'a población de Herzegovina oriental, a on que se troban os municipios de Berkovići, Bileća, Gacko, Istočni Mostar, Ljubinje, Nevesinje y Trebinje.

Referencias

↑ bŏz′·nē·ə hārts′·ə·gōv′·ĭn·ə
↑ http://www.yourdictionary.com/bosnia-and-herzegovina
↑ Administrativno uređenje Hercegovine od 1945. do 1952. godine d'Adnan Velagić, published in Most - časopis za obrazovanje, nauku i kulturu, No. 191, Year 2005 (October), pp. 82-84. ISSN 0350-6517
↑ https://web.archive.org/web/20120213235715/http://encyclopedia.farlex.com/Hercegovina
↑ Ekonomska regija Hercegovina, Regionalna razvojna agencija za Hercegovinu (REDAH) in conjunction with the EU RED Project, Bosnia and Herzegovina, November, 2004, pp 24-26
↑ http://books.google.com/books?id=KCGbWCouJ6AC&pg=PA51
↑ http://books.google.com/books?id=-WIEYZ-SMHEC&pg=PA3

Datos: Q189863
Multimedia: Herzegovina / Q189863

[1] ŏz′·nē·ə hārts′·ə·gōv′·ĭn·ə

[2] ttp://www.yourdictionary.com/bosnia-and-herzegovina

[3] Administrativno uređenje Hercegovine od 1945. do 1952. godine d'Adnan Velagić, published in Most - časopis za obrazovanje, nauku i kulturu, No. 191, Year 2005 (October), pp. 82-84. ISSN 0350-6517

[4] ttps://web.archive.org/web/20120213235715/http://encyclopedia.farlex.com/Hercegovina

[5] Ekonomska regija Hercegovina, Regionalna razvojna agencija za Hercegovinu (REDAH) in conjunction with the EU RED Project, Bosnia and Herzegovina, November, 2004, pp 24-26

[6] ttp://books.google.com/books?id=KCGbWCouJ6AC&pg=PA51

[7] ttp://books.google.com/books?id=-WIEYZ-SMHEC&pg=PA3

[1]

[2]

[3]

[4]

[5]

[6]

[7]