Mostar
|
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla. |
| Mostar Мостар | |||
| Localidat de Bosnia y Herzegovina | |||
| |||
| Estau • Entidat • Cantón |
 Bosnia y HerzegovinaFed. Bosnia-Herzegovina Herzegovina-Neretva | ||
| Superficie | 97 km² | ||
| Población • Total |
128.448 hab. (2007) | ||
| Altaria • Meyana |
55 m. | ||
| Codigo postal | 88000 | ||
| Ríos | Neretva | ||
| Coordenadas | |||
| Web oficial | |||
Mostar (Мостар en alfabeto cirilico) ye una ciudat de Bosnia y Herzegovina situada en o cantón de Neretva-Herzegovina. Ye a capital historica d'a rechión d'Herzegovina
A suya población ye s'estima en 128.448 habitants (2007), en una superficie de 97 km².
Población por etnias y nacionalidaz[editar | modificar o codigo]
A población mayoritaria a primers y metat d'o sieglo XX yera croata u bosnia catolica, como en tota a Herzegovina occidental. Os bosnios u bosnios musulmans, con mayor creiximiento demografico, consiguioron superar liucherament a la población croata enta 1991. Os serbios yeran minoritarios. En a Guerra d'independencia de Bosnia y Herzegovina a proporción d'as nacionalidaz etnicas cambió, cuasi no bi ha serbios y bi ha un mayor predominio de bosnios por a plegaba de refuchiaus d'atras localidaz d'Herzegovina.
Historia[editar | modificar o codigo]
Fue fundau a zaguers d'o sieglo XV, cuan o dominio otomán estió a capital administrativa d'Herzegovina. Dende 1881 Mostar estió a seu d'o bispato de Mostar-Duvno. En 1939 Mostar fació part d'a Banovina croata, y cuan a Segunda Guerra Mundial estió una d'as ciudaz importants d'o Estato Independient de Croacia.
En a decada de 1990 Mostar estió un d'os principals escenarios d'a Guerra d'independencia de Bosnia y Herzegovina. En a primera fase d'a guerra, en a que os bosnios y croatas luitaban contra os serbios, a part este d'a ciudat cayó en poder d'os serbios y en a part ueste a población croata podió resistir, pa dimpués d'uns meses forachitar a los irregulars serbios, con o que a minoría serbia fuyió. Como lugar central d'Herzegovina teoricament baixo control d'o gubierno legal bosnio, Mostar se plenó de refuchiaus musulmans d'as zonas d'Herzegovina baixo control serbio. En a fase intermedia d'a guerra as tropas d'o gubierno bosnio, mayoritariament musulmanas, encomenzoron a atacar a los croatas en Bosnia central y Herzegovina. En Mostar os croatas controlaban a part ueste y os musulmans a part este. Os musulmans de Mostar, encara que con menos medios, y con as linias de suministro bloqueyadas por os croatas, contaban con l'aduya local d'os serbios y a comunidat internacional y podioron resistir con eficacia, y dica abanzar posicions fendo retacular a los croatas. O puent viello fue destruito en os enfrentamientos, seguntes a mes gran part d'as fuents por os croatas, feito que as fuents croatas no admiten. Os cascos azuls espanyols estioron implicaus en o conflicto, participando en labors humanitarias.
Puestos d'intrés[editar | modificar o codigo]
- Puent viello de Mostar u stari most.
