Herulos

De Biquipedia
Ir ta: navego, busca
Herulos
Heruli
  (†)
Rechions con comunidatz importants
Desembocadura d'o Rin
Mar Negra
Idiomas
Chermanico
Mapa
Roman Empire 125.png
Localización d'os herulos chunto a Dinamarca

Os herulos estioron un pueblo chermanico que emigró dende Escandinavia en o sieglo II establindo-se chunto a la desembocadura d'o Rin (herulos occidentals) y a man d'a Mar Negra (herulos orientals).

Os herulos occidentals se dedicaban a la piratería en o sieglo III saqueyando as costas atlanticas d'o Imperio Román d'Occident (arribando dica as costas vascas).

Os herulos orientals fuoron vencitos por Claudio II en l'anyo 269 a man de Naissus y esdevinioron federatos. Fuoron sozmesos por os ostrogodos en tiempos de Hermanarico y dimpués por os hunnos. Dimpués d'a muerte d'Atila esdevinioron un pueblo independient establito en a plana danubiana que guarniba de mercenarios a los exercitos barbaros d'o Imperio Román d'Occident. Odoacro, qui deposó a lo zaguer emperador román teneba mercenarios herulos.

Os herulos fuoron vencitos por Teodorico lo Gran a man de Verona en l'anyo 489 y dende ixe inte os herulos no estioron mercenarios que d'o Imperio Román d'Orient. En os exercitos bizantins de Belisario y Narsís que reconquirioron Italia bi heba mercenarios herulos.

Os herulos desapareixioron como pueblo en o sieglo VI con a invasión d'os longobardos.

Mencions en fuents aragonesas[editar | editar código]

Solido bizantín con o rostro inscrito d'Odoacro. Ista moneda ye un d'os pocos rechistros existents relacionatos con os herulos.

En a "Cronica de los Conquiridors" son mencionatos como herulos u herculos:

Muerto el emperador Valentiniano, subcidio enel imperio el emperador Marciano en tiempo del qual Atilla, apres que huuo muerto a su hermano Blenda et huuo subiugadas las partidas et fecho tributario el rey delos Scitas, aplego grant exercitu delos Hunnos, delos Herculos, delos Mesagetas, delos Rugos et delos Turcilingos, et hordeno de yr enlas partidas de Ytalia, mas Genserico, rey delos Euandalos, qui habitaua en Yspanya et auie succeydo a su padre Gunderico, enuio sus mensageros al rey Atilla, rogando lo que entrasse por las Gallias, notificando le que el encara mouerie su exercitu contra los Francos.
Mas finalment fue vencido et destroydo el exercitu de adoatar / et fuyo adoatar dela presencia de theodorico pat(r)icio / El q(u)al lo p(er)siguio ael et a su exercitu / et con grant matamiento los destruyo El qual adoatar fuyo en rauena Et alli aparello todo el exercitu delos turcilingos et de los rugos et delos erulos et delos ciros et delos pueblos de ytalia qui eran a su obediencia / Et el Rey theodorico enuio sus mensageros alos videgodos qui habitauan en espanya / demando las ayudas dellos Et el Rey theodorico el q(u)al Regnaua en espanya sobre los videgodos qui era successor de ualia enuio al Rey theodorico patricio exercitu copioso contra el Rey adoatar.