Ostrogodos
![]() |
Iste articlo ye escrito con as normas graficas EFA. Si quiers, puez aduyar cambiando a la grafía oficial de Biquipedia y sacando dimpués ista plantilla. |
Os ostrogodos estioron un pueblo chermanico oriental, os godos que viviban más a l'este en un aria d'estepas en as dos marguins d'o río Dniéper. Enta l'anyo 370 os hunnos encomenzoron a presionar-los y quedoron dividitos, con a mayoría sozmesa a los hunnos y bells grupos independients que presionaban as mugas de l'Imperio Romano. Dimpués d'a desaparición de l'amenaza d'os hunnos y d'a caita de l'Imperio Romano d'Occident os ostrogodos creyoron un reino en Italia. O Reino Ostrogodo d'Italia duró dica tiempos de Chustinián I, que remató con ixa entidat politica con a Guerra Gotica. Os ostrogodos tenioron una cristianización primerenca y esdevinioron arrians. Os ostrogodos destaban en o combate a caballo.