Granero
Un granero[1][nota 1] (d'o latín <GRANARIUM) ye una borda u cualsiquier atro tipo de construcción cubillada destinada principalment a almagazenar o grano (cerial).
Os graners son puestos que se mira de guardar bien contra las incursions d'animals granivoros y oportunistas, como ratons, gurrions y insectos, por o que tienen pocos foratos en as suyas superficies (sin finestras u con pocas, chicorronas y alteras) y se mira ta cudiar que tiengan puertas que cierren o mas hermeticament posible. Por ixa razón, a construcción de graners s'ha diu adaptanto a cada epoca, aprofitando a disponibilidat de materials y recursos arquitectonicos que servisen ta preservar millor o grano ta consumo humano.; p. ex. en l'actualidat ye común que tiengan a puerta metalica ta privar que os radedors puedan rosigar-la, s'arrebozan con cimento por adintro ta que no quede foratos en as parez, etc.
Unatra d'as funcions importants ta las que s'ha de mirar cuan se fa un granero ye privar a humedat, ta que o grano no se grille, o que le faría perder propiedaz, u críe cucos de palometa. Ta conseguir-lo, ye común que tiengan o suelo mas elevau que a tierra de l'exterior.
Notas
[editar | modificar o codigo]- ↑ Con a variant graner
Referencias
[editar | modificar o codigo]- ↑ (an) Diccionario aragonés-castellano-catalán. Estudio de Filología Aragonesa. Edacar num. 14. Zaragoza. Edicions Dichitals de l'Academia de l'Aragonés. ISSN 1988-8139. Octubre de 2024.
