Paller

De Biquipedia
Ir a la navegación Ir a la búsqueda
En o pallero (1872), pintura de Konstantin Trutovsky.

Un paller u pallero (d'o latín <*PALEARIUM, de <PALEA, «palla»[1]) ye una buerda destinada principalment a almagazenar a palla, u a planta d'un edificio a on que se guarda iste material. Anque paller y pallero son as formas de dicir-le mas comuns en l'Alto Aragón, tamién s'ha documentau a forma pallar,[2] encara que ye mas minoritaria en l'aragonés actual.

A palla, como muitos productos vechetals deshidrataus, tiene a particularidat d'absorver l'augua y putrir-se si remane humeda guaire tiempos. Por ixo, os pallers solen estar cambras secas, a sobén en una planta en altaria, feita con sulero, u dica en a falsa de qualques casas (os menos casos), t'a on que a humedat d'o suelo no i gose arribar. Con freqüencia, o pallero ye a planta superior d'una mesma construcción a on que a inferior sia ocupada con un estallo u quadra, o que fa mas fácil d'escampar a palla nueva en a planta inferior.

Se veiga tamién[editar | editar código]

Referencias[editar | editar código]

  1. (es) MOTT, Brian L. (2000). Diccionario etimológico chistabino-castellano castellano-chistabino. Institución «Fernando el Católico». Zaragoza. ISBN 84-7820-553-5
  2. (es) ALLUÉ NAVARRO, Mª Isabel y FUERTES CASAUS, Mª Pilar (2006). Nombres para un paisaje (toponimia del Valle de Broto). Ed. Comarca de Sobrarbe + Diputación de Huesca; Zaragoza. ISBN 84-611-1141-9