Gas natural

De Biquipedia
Ir ta: navego, busca
Producción de gas natural por estato.

O gas natural ye una mena de gas que se troba asobén en chacimientos fosils de petrolio. Encara que a suya composición varía en función d'o chacimiento d'o que se'n quita, ye formato prencipalment por metano en cantidatz que a ormino superan o 90 u 95%.

S'emplega como combustible en aplicacions tanto industrials como domesticas; considerando-se una fuent d'enerchía alternativa por a suya combustión neta, a diferencia d'os derivatos d'o petrolio y o carbonio, si bien colabora en emisión de carbonio fosil y por tanto en o efecto hibernadero.

Gas natural en Aragón[editar | editar código]

En Aragón son importants os chacimientos de gas natural en Sarrablo a on s'estrayió gas dende 1979 y dica os anyos 1990, estando Isín o primer puesto a on se foratió. O puesto prencipal a on se trobaba gas en l'Alto Aragón yera la val de l'Aurín, encara que tamién bi ha chacimientos en atras zonas d'a redolada como Escuer, Villanoviella en a Garcipollera, Ipás, Bescansa y Ayerbe de Broto.

Actualment os chacimientos de Sarrablo se fan servir como almadazens naturals de gas. Existe un gaseoducto que va dende Zaragoza dica Sarrablo, con una longaria de 138,6 km y con salitas en Villanueva de Galligo, Penyaflor, Zuera, Sant Mateu de Galligo, Gurrea, Samianigo, Chaca y Os Corrals, d'a on sale una branca de 88,5 km que distribuye gas por o as localidatz de Uesca, Balbastro, Monzón y Tamarit.

Referencias[editar | editar código]