Val d'Acumuer

From Wikipedia
(Redirected from Val de l'Aurín)
Jump to navigation Jump to search
Val d'Acumuer
Bal d'Acumuer.png
Mapa d'a val
Administración
Estato
País Flag of Aragon.svg Aragón
Comarca Alto Galligo
Municipio Samianigo
'
Cabecera {{{cabecera}}}
Capital Acumuer
Localidatz
Chentilicio {{{chentilicio}}}
Cheolochía
Acceso
Ríos Río Aurín
Largaria
Orientación Norte-Sud
Cheolochía
Tipo
Macizo Pireneus
Mapa
Pyrenees topographic map-ca.svg
City locator 10.svg

A val d'Acumuer u val de l'Aurín ye una val pirenenca d'Aragón formata por o río Aurín y situata en a comarca uescana de l'Alto Galligo, en o municipio de Samianigo.

Fan parti d'ista val os lugars d'Isín, Asqués, Bolás, Asún y a suya capital, Acumuer. Actualment son totz despoblatos, fueras d'Acumuer. L'acceso a la val se fa dende Samianigo por Larrés que ye a dentrata natural d'ista.

Cheograficament muga con o Sobremont por l'este, a o sud con a Val Ancha, a l'ueste con a Garcipollera y a o norte con a sierra d'a Partaqua, estando a Penya Retona (2.764 m) o punto más alto d'ista sierra y tamién a tuca más alta d'a val. D'antis más se dividiba o puerto d'Acumuer en as partidas de Plan d'Igués, Espedregueras, Cubilar Nuevo, A Canal, Canales, La Raya u Lera de Sede y Bucuesa.

A cabecera d'a val ye protechita, estando un puesto d'importancia comunitaria conoixito como as Turberas d'Acumuer, con una superficie de 13 hectarias. A val remata en a punta Escarra (triple muga entre os municipios de Samianigo, Sallent y Canfranc) chunto a o ibón de Bucuesa, naixedero d'o río Aurín. Amás 91 hectarias d'a ribera de l'Aurín tamién se troban protechitas como puesto d'importancia comunitaria, con selvas de pins, fabars y caixicars prou bien conservatos.

Por estar una val prou zarrata se conservoron as suyas tradicions y identidat cultural, encluyita a luenga aragonesa, dica prencipios d'o sieglo XX. L'aragonés d'a val d'Acumuer ye més pareixito a l'aragonés d'a Tierra de Biescas y d'o Sobremont que no a l'aragonés chaqués.

Entre l'anyo 1979 y os anyos 1990 se quitó gas natural d'os chacimientos que bi heba en ista val, amán d'Isín, estando os más importants d'Aragón. Dende que s'acotoló o gas istos chacimientos s'han feito servir como almadazens naturals de gas.

Historia[edit | edit source]

En a val d'Acumuer s'establió en o sieglo X o monesterio de Sant Martín de Cercito.[1]

Bibliografía[edit | edit source]

Referencias[edit | edit source]