Franzbrötchen

De Biquipedia
Ir a la navegación Ir a la búsqueda
Franzbrötchen
Franzbroetchen.wmt.jpg
Franzbrötchen
Orichen cheografico
Cocina: Gastronomía alemana
Orichen: Flag of Germany.svg Alemanya
Se mincha en: Hamburgo
Categoría: Pastelería
Elaboración
Ingredients: Farina, manteca, zucre, canela levadura, leit y un sinyal de sal

A Franzbrötchen (/ˈfʁantsˌbʁøːtçɛn/) ye un chicot pastel feito con manteca y canela. A vegadas s'emplegan tamién atros ingredients como chicolate u pansas. Ye un tipo de pastel tipico en o norte d'Alemanya, mas que mas en Hamburgo, y se gosa servir en o desayuno chunto a o café y bella tarta. Como o suyo propio nombre indica, o Franzbrötchen (literalment o "panet francés") s'inspiró probablement en os pastels franceses. Orichinalment nomás se trobaba en a rechión d'Hamburgo, pero actualment o Franzbrötchen tamién se vende en Bremen, Berlin y atras ciudatz alemanas.

Preparación[editar | editar código]

Os ingredients ta iste panet son farina, manteca, zucre, canela, levadura, leit y un sinyal de sal. O relleno se fa d'una mezcla de zucre y canela. En o proceso d'elaboración se dobla a masa quantas vegadas y se torna a extender con a manteca. Quan a masa s'ha extendillato prou, formando una lamina quasi transparent, se mulla con una miqueta d'augua y se chita a mezcla de zucre y canela ta dimpués tornar a enrrollar-la. Ta que o rollo de masa tienga a tipica forma d'o Franzbrötchen cal tallar-lo en ronchas, cadaguna de bells quatres centimetros de gordaria. Dimpués se preta con o mango d'una cullara de fusta en o centro d'as zonas por a on s'ha tallato ta fer que o relleno salga una mica. En fer-la cocer, a masa puya por a levadura y a mezcla de zucre y canela se carameliza. Como bi ha amás manteca o Franzbrötchen gosa estar un pastel pegalloso. Bi ha variants d'o Franzbrötchen que pueden levar tamién pansas, simients, trozos de chicolate u simients de crabaza.

Orichen[editar | editar código]

O Franzbrötchen se diz probablement asinas por o suyo pareixito fisicon con o croissant francés (en alemán französisch), que se fació prou popular en Alemanya dimpués de que as tropas de Napolión ocupasen a ciudat d'Hamburgo entre 1806 y 1814. D'alcuerdo con atra versión historica diferent, en ista rechión se produciba un Franzbrot (en alemán pan francés) luengo parellán a la baguette. A leyenda diz, que una vegada un fornero d'Hamburgo cremó trozo d'un Franzbrot en una sartén con grasa, considerando-se iste l'orichen de l'actual Franzbrötchen.

Referenciass[editar | editar código]

  • B. Henning, J. Meier: Kleines Hamburgisches Wörterbuch, Wachholt, 2006, ISBN 3-529-04650-7
  • M. Beseler, S. Ingwersen, A. Treichel: Das Franzbrötchen - Wunderbarer Plunder aus Hamburg, Franzbrötchen-Verlag, Hamburg 2004, ISBN 3-936712-02-6

Vinclos externos[editar | editar código]