Forno de calso

Antigo forno de calso en lo museu a l'aire libre de Maria Saal en Austria.

Un forno de calso, calsinal u calsinar u ye una construcción tradicional on se fa calentar a altas temperaturas la piedra calsinera pa fer calso. Bi'n ha de diferents clases seguntes la tradición y recursos de cada zona.

Calsinals en Aragón

Forno de calso de Güell, en a Ribagorza aragonesa

Sistema Iberico

En lo Sistema Iberico y sud de la depresión d'Ebro, un clase de forno de calso tradicional ye un pozo cilindrico escarvau en lo suelo con tres u cuatro metros de fondura por dos u tres metros de diametro y capacidat interior de tres a cuatro metros cubicos.

En la parte mes baixa, lo cilindro reduce lo suyo diametro d'una traza que dentro de lo pozo se forme una faixa mes alta arredol de lo centro que servirá como base on meter la piedra que se cocerá. Esta faixa tien bels setanta centimetros d'altaria, constituindo las parez de la caldera de lo forno, on se cremará la lenya que oxidará la piedra.

Por un de los laterals s'escarba una rampa, en plano inclinau, que plega dende la superficie ta la base de lo pozo. On se troban la rampa con la base de lo pozo, se i fa un forato fendo una boca. Ye la zona que se conoix como servidor, on lo calsinero se posará pa ir metendo la lenya que irá calentando lo forno. Esta construción la pueden fer enfortir con piedras.

Referencias historicas y etnograficas

Antes mas bi heba fornos de calso en cualsiquier lugar d'Aragón y bi'n ha referencias, como por eixemplo en un texto de Pandicosa de 1504, ya en castellano pero con aragonesismos:

fue condición entre las dichas partes que el dicho maestre Pedro si al Senyor sera plaziente ha de fazer un forno de piedra calzina para la yglesia y obras que abran necesarias los jurados [...] et empues fecho el forno y quemado que la calcina que y de sera que sea para el dicho concello

Forno Calso ye un toponimo de Pano ya mencionau en un texto de 1607 de lo catastro de Graus:

del horno que dicen del Calço

Vinclos externos

• (ca) Els forns de calçs
• (ca) Forn de calç - Enciclopèdia d'Eivissa i Formentera
• (ca) Parque etnologico de Caimari

• Datos: Q59772
• Multimedia: Lime kilns / Q59772