Florín d'oro d'Aragón

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Iste articlo ye sobre una antiga moneda d'a Corona d'Aragón; ta atros usos, se veiga Florín.

Florín d'oro d'Aragón † Florí d'or d'Aragó
Florín d'Aragón de Pero IV d'Aragón
Información cheneral
Ambito:	Corona d'Aragón
Materials:	Oro
Emisor:	Corona d'Aragón
Valors
Equivalencias:	11 sueldos de menutos 24 quilaz menos cuarto

Lo florín d'oro d'Aragón estió una moneda d'oro en curso en la Corona d'Aragón dende l'anyo 1346 con o reinato de Pero IV d'Aragón dica o reinato de Ferrando II d'Aragón.

Los florins encomenzoron ser acunyatos en Perpinyán en l'anyo 1346 por orden d'o rei Pero IV d'Aragón, con la denominación en catalán de florí d'or d'Aragó. Dende 1365 tamién se fabricoron en las cecas de Barcelona, Valencia, Palma de Mallorca y Zaragoza. Manimenos en Zaragoza nomás que por tres anyadas, pus los estamientos aragoneses establioron que lo dinero chaqués de bellón continase estando la sola moneda de lo reino.

Manimenos anteriorment en los textos en latín medieval que s'escribiban en l'aria aragonesa se citan ya los florinos como elemento romance en meyo de lo latín d'ixos textos:

• et pectavit mihi mille florenos et insuper habebo. (1172)

Lo florín d'Aragón teneba de valura once sueldos de menutos. La lei d'esta moneda yera de 24 quilatz menos cuarto. Seguntes Mateu y Llopis^{(i fa falta una fuent)} en 1464 valeban 14 sueldos en tota la Corona d'Aragón. Seguntes Borau^{(i fa falta una fuent)} lo florín d'oro valeba 20 sueldos en 1439 y 16 en lo reinato de Carlos I d'Aragón. Simonet^{(i fa falta una fuent)} da noticia de lo florín d'Aragón, que s'introdució en Florencia.

En un texto de l'Archivo de la Corona d'Aragón^{(i fa falta una fuent)} se parlan tanto de "florins de Florença" como de "florins d'oro d'Aragón":

Primo cobrara el dicho sennor Rey de Aragon treyna mill florines de Florença quel rey Don Martin de Sicilia que dios haia dexo e lego por su testamento a la dicha sennora donna Blanca que muntan quarenta e dos mill florines de oro de Aragón

Bibliografía

• (es) Maria Rosa Fort Cañellas: Léxico romance en documentos medievales aragoneses (Siglos XI y XII). Departamento de Educación y Cultura de la DGA.
• (es) Javier Terrado Pablo: La lengua de Teruel a fines de la Edad Media. Instituto de Estudios Turolenses, 1991.

Vinclos externos

• (es) Florín en a Gran Enciclopedia Aragonesa.

Referencias

• Datos: Q3294165
• Multimedia: Florín / Q3294165