Florín de Florencia

De Biquipedia
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Iste articlo ye sobre una antiga moneda de Florencia; ta atros usos, se veiga Florín.
Florín de Florencia 
Fiorino

Florín d'oro de Florencia de l'anyo 1347.
Información cheneral
Ambito: Europa
Materials: Oro
Emisor: Florencia
Valors
Equivalencias: 30 sueldos (Navarra)
11-17 sueldos (Catalunya)

Lo Florín yera una moneda medieval orichinaria de Florencia que dimpués s'imitó en tota Europa.

Florín d'oro de Florenza del 1340

En baixo latín se documentan los florins un texto de 1252 d'atra zona y seguntes l'autor Niermeyer marca lo principio de la suya acunyación en Florencia. Manimenos anteriorment en los textos en latín medieval que s'escribiban en l'aria aragonesa se citan ya los florinos como elemento romance en meyo de lo latín d'ixos textos:[1]

  • et pectavit mihi mille florenos et insuper habebo. (1172)

Lo Fiorino d'oro yera l'aurio tipico de Florencia, y se deciba asinas por que se i marcaba lo lirio de los Medici. La suya valura tenió variacions y Yanguas comenta que se graduaba con sueldos de plata, seguntes lo curso que teneban en los mercatos, u se fixaba enantes en los contratos. En Navarra teneban la valura nominal de 30 sueldos. En Catalunya circuló dende lo sieglo XIII dica lo sieglo XVI y teneba la valura que oscilaba entre 11 y 17 sueldos.

Los aragoneses y navarros en deciban Florín de Florença, como se vei escrito en textos notarials y comercials. Por eixemplo l'Archivo de la Corona d'Aragón y en muitos textos navarros:

Primo cobrara el dicho sennor Rey de Aragon treyna mill florines de Florença quel rey Don Martin de Sicilia que dios haia dexo e lego por su testamento a la dicha sennora donna Blanca que muntan quarenta e dos mill florines de oro de Aragón
enta el Princep de Gallas, trezientos florines de Florença, et agora retornado, nos aya dicho que vltra la dicha quantia...[2]
Item en el dicho aynno en el mes de Febrero cabo la puent de piedra que es dentro en la dicha villa en el Rio Mayor llamado Egua, se afoguo hun romeo al qual li faillaron en una bolsa una moneda de jaqueses, tresales de Nauarra con dos groses de cada IIII sueldos VI libras V sueldos VI dineros. Item mas hun florin de Florença XXXVIII sueldos. Suma todo VIII libras III sueldos VI dineros prietos que valen a valor VI libras X sueldos IX dineros ob[olos].[3]

Bibliografía[editar | modificar o codigo]

Referencias[editar | modificar o codigo]

  1. Maria Rosa Fort Cañellas. Lexico romance en documentos mediales aragoneses (Siglos XI y XII). Departamento de educación y cultura de la DGA.
  2. Maria Teresa Ruiz San Pedro Archivo General de Navarra (1349-1381 [i.e. 1387]): Documentación real de Carlos II (1364-1365) Eusko Ikaskuntza, 1999
  3. Archivo General de Navarra Sección de Comptos. Rechistros, 181, fol. 227 v.-228 r., año 1384