Featherdale Wildlife Park

De Biquipedia
Ir a la navegación Ir a la búsqueda
Vesitant con un koala

Featherdale Wildlife Park ye un zoo australiano situau en Doonside (Sydney), amán d'a localidat de Blacktown[1] Ye especializau en a fauna nativa australiana y en aus, asinas como en reptils y marsupials.

Historia[editar | editar código]

Situau en un terreno de siet acres de superficie propiedat de Charles y Marjorie Wigg, qui mercoron en 1953 lo que ta par d'alavez yera una grancha avicola,[2] Featherdale Wildlife Park ubrió as suyas puertas en 1972, quan o suyo yerno Bruce Kibbare, qui heba estudiau zoolochía, decidió fer un vivero ta plantas y árbols nativos australianos en o que pudieran vivir tamién animals autoctonos. Quasi habió de zarrar en l'anyo 1975 debiu a una recalificación d'os terrenos a on que se trobaba ta fer viviendas publicas, encara que a decesión fue a la fin revocada por o primer menistro de Nueva Galas d'o Sud Sir Robert Askin.[2]

Actualment ye propiedat de Elanor Investment Group, grupo tamién propietario de atras instalacions relacionadas con o torismo. O parque ye equipau con un anfiteatro y desenvolica un programa dito "The Learning Burrow", que educa y informa sobre os animals. Ye una important atracción toristica no nomás en Sydney occidental, sino tamién en Nueva Galas d'o Sud y en toda Australia.[3]

Featherdale ganó o premio a la millor Gran Atracción Toristica (Major Tourist Attraction award) en os anyos 2005 y 2009.[4] Muitos famosos como Leonardo DiCaprio, Gwen Stefani, Kristen Stewart, Taylor Lautner, Robert De Niro, Matt Damon, Dave Grohl u Smokey Robinson han vesitau o parque.[5][6]

Referencias[editar | editar código]

Vinclos externos[editar | editar código]