Fayar
Un fayar, fayera, fabar, fabera u fabosa ye una selva on l'estrato arborio lo forma lo fayo en la suya mayor parte.
Los fayars son las selvas caducifolias més caracteristicas. Las fuellas de los árbols agafan quasi tota la luz y debaixo no plega prou luz pa que se desembolique un estrato arbustivo contino. L'ausencia d'ixe estrato arbustivo permite que se forme un important estrato herbacio.
Muitos de los fayars presents en las sierras pirenencas y prepirenencas sobre substratos calsinosos tienen un caracter diferent y se consideran submediterranios. Ye un fayar que a diferencia de los fayars de centreuropeus y atlanticos tien un estrato contino de buixo como los caixicars y carrascals supramediterranios con los que muga. Esta asociación se diz "fayar con buixo", y en ye un buen eixemplo lo fayar de Malpás en l'Alta Ribagorza oriental.