Fayar con buixo
Os fayars con buixo son comunidatz submediterranias propias d'a rechión pirenenca. L'árbol dominant ye o fayo con abuntant matical de buixo.
En os Pireneus orientals y Cordelera Litoral Catalana bi ha fayars con buixo en l'Alta Ribagorza oriental (a Faiada de Malpás), en a Sierra de Milany (Ripollés), y Sierra de Finestres (Garrocha).
En os Pireneus centrals son raros por a mayor continentalidat, y se troban restrinchitos a zonas con microclimas frescos de foces y pacos (Sant Chuan d'a Penya, Guara, ecetra..).
En os Pireneus occidentals se troban en as sierras interiors (Sierra d'Estella, Izco, Illón, Leire, ecetra...).
Os fayars con buixo tamién s'estendillan un poquet dica las sierras més meridionals de lo norte peninsular por o País Basco, Cantabria, Arcena, Codes, (on ocupan posicions de paco). En os Puertos de Bezeit os fayars relictos son fayars con buixo.
Bibliografía[editar | modificar o codigo]
- Emilio Blanco Castro et al. Los bosques ibéricos, una interpretación geobotánica. Editorial Planeta.