Exodus (cinta de 1960)

Iste articlo ye sobre una cinta de cine epico historico estausunidense de 1960; ta atros usos, se veiga Exodus.

Exodus
Títol	Exodus
Póster d'a cinta, obra de Saul Bass.
Ficha tecnica
Dirección	Otto Preminger
Dirección artistica	Richard Day
Producción	Otto Preminger
Guión adaptau	Dalton Trumbo
Basau en	Exodus, novela de Leon Uris (1958).
Musica	Ernest Gold
Fotografía	Sam Leavitt
Montache	Louis R. Loeffler
Maquillache	George Lane
Peluquería	A.G. Scott
Efectos especials	Cliff Richardson John Richardson
Actors	Paul Newman Eva Marie Saint Ralph Richardson Peter Lawford Lee J. Cobb Sal Mineo John Derek Hugh Griffith Martin Miller Gregory Ratoff Felix Aylmer David Opatoshu Jill Haworth Marius Goring Alexandra Stewart Michael Wager Martin Benson Paul Stevens Victor Maddern George Maharis Esther Ofarim
Color	Panavision Technicolor
Datos y cifras
País(es)	Estaus Unius
Anyo	1960
Estreno	15 d'aviento de 1960 Nueva York (Nueva York, Estaus Unius)
Chenero(s)	Cine de drama Cine epico Cine historico
Durada	208 min.
Idioma(s)	Anglés
Companyías
Productora(s)	Carlyle-Alpina, S.A.
Distribución	United Artists
Presupuesto	4,5 millons de dólars
Recauto	8,7 millons de dólars
Informacions en bases de datos especializadas:

Exodus (títol orichinal en anglés, en aragonés Exodo, estrenada en Aragón con o suyo títol traduciu enta lo castellano como Éxodo) ye una cinta de cine estausunidense de cine de drama epico historico estrenada l'anyo 1960, dirichida por Otto Preminger seguntes un guión adaptau por Dalton Trumbo (basau en a novela Exodus, que heba publicau Leon Uris l'anyo 1958), con una banda sonora orichinal d'Ernest Gold, una dirección de fotografía de Sam Leavitt y una producción cinematografica d'Otto Preminger ta la productora cinematografica Carlyle-Alpina, S.A.. Fan parte de l'elenco d'a cinta, entre d'atros actors, Paul Newman, Eva Marie Saint, Ralph Richardson, Peter Lawford, Lee J. Cobb, Sal Mineo, John Derek, Hugh Griffith, Martin Miller, Gregory Ratoff, Felix Aylmer, David Opatoshu, Jill Haworth, Marius Goring, Alexandra Stewart, Michael Wager, Martin Benson, Paul Stevens, Victor Maddern, George Maharis y Esther Ofarim.

A cinta conta la formación d'Israel en forma novelada y con una visión amplament pro-israelina (anque encara lo yera mas a primer versión d'o guión que fació Leon Uris antis de que se refusase y se contractase a Dalton Trumbo, en o que estió chunto con Spartacus las suyas primeras cintas oficials dimpués d'estar en a lista negra de Hollywood). Kitty Fremont ye una vidua estausunidense que poco dimpués d'a Segunda Guerra Mundial se troba en Chipre convidada por o cheneral Sutherland, qui estió amigo de su mariu, que yera periodista y morió cubrindo noticias d'a guerra. En Chipre conoix a Karen Hansen, una chodiga procedent de Dinamarca que ha plegau en Chipre en un barco de refuchiaus chodigos a qui los britanicos han impediu dentrar en Palestina y mantienen en un campo d'internamiento en Chipre. Kitty decide adoptar a Karen y ista ye en principio conforme, pero alavez aparixe Ari Ben Canaan, veterano d'a Brigada Chodiga mientres a guerra y militant d'o Haganah, qui organiza la fuga de 611 chodigos d'o campo levando-los enta un barco que ha de marchar enta Palestina. Entre ixos 611 chodigos se troba Karen. Cuan dimpués d'una bada de fambre las autoridaz britanicas lis permiten plegar en Palestina, marchan enta un kibbutz clamau Gan Dafna, Kitty marcha con éls, y prencipia una atracción entre ella y Ari, a la vegada que iste fa d'intermediario on a organización terrorista Irgun ta colaborar con a Haganah para guaranciar a independencia d'Israel en luita contra los arabes que asetian o kibbutz y los atros asentamientos chodigos, amostrando los primers días d'a Guerra arabo-israelina de 1948 dimpués d'a declaración d'independencia d'Israel.

A cinta s'ambienta en 1948 en Famagusta en Chipre y en Acre y atros puestos d'Israel y las suyas escenas se filmoron en Famagusta en Chipre y en Acre y Cherusalem en Israel.

Se tracta d'una cinta que ha recibiu cuantos premios y nominacions, entre los cuals destacan un Premio Oscar (Millor Banda Sonora Orichinal) y dos nominacions (Millor Actor Segundario y Millor Fotografía en Color) en a suya 33^ena edición; y un Premio Globo d'Oro a lo Millor Actor Segundario y dos ominacions (Millor Banda Sonora Orichinal y Millor Estrela Emerchent Femenina) en a suya 18^ena edición.

Elenco

Actor	Papel	Notas
	'

Se veiga tamién

• Cine en 1960.
• Cintas de 1960.

Vinclos externos

• (en) Exodus en Internet Movie Database.
• (en) Exodus en Rotten Tomatoes.
• (en) Exodus en TCM Movie.

• Datos: Q1355901
• Multimedia: Exodus (1960 film) / Q1355901