Albaneses

De Biquipedia
(Reendrezato dende Etnia albanesa)
Ir ta: navego, busca
Albaneses
Shqiptarë
Albanska zenska nosnja.jpg
Muller albanesa
Población total
5.5~7 millons
Rechions con comunidatz importants
Flag of Albania.svg Albania 2.312.356[1]
Flag of Kosovo.svg Kosovo ~1.616.869[2]
Flag of Macedonia.svg Rep. de Macedonia 509.083
Flag of Greece.svg Grecia 337.700 (2014)[3]
Flag of Montenegro.svg Montenegro 31.163 (2007)
Flag of Italy.svg Italia 375.947
Idiomas
Albanés
Relichión
Islam (predominant), cristianismo
Pueblos relacionatos
Altras etnias indo-europeas
Mapa
AlbaniansOutsideAlbania.png

A etnia albanesa (en albanés Shqiptarët) ye un grupo humán que tien en común l'idioma albanés, una cultura albanesa y uns debampasatos albaneses.

A mitat d'a etnia vive en Albania y l'atra mitat en Kosovo y en a Republica de Macedonia. Bi ha minorías albanesas en muitos países, estando as més importants en Grecia y Italia.

Organización social[editar | editar código]

A sociedat tradicional en a zona a lo norte d'o río Skumbi ha conservau elementos arcaicos, como a conservación d'a organización en tribus. A suya importancia ye tan gran que dica as tierras de cautivo y pastura perteneixen a esta entidat d'agrupación humana. Ni sisquiera o rechimen comunista podió fer desapareixer esta forma d'organización.[4]

Orichen[editar | editar código]

Trache tradicional d'o sud d'Albania.

Os albaneses son descendients d'un pueblo paleobalcanico. Bi ha diferents hipotesis sobre o suyo orichen. Una de tradicional diz que son descendients d'os ilirios, una tribu d'a branca centum d'os pueblos indo-europeus. D'estar asinas, a suya luenga derivariba d'a luenga iliria. Sindembargo a evidencia lingüistica amuestra que o caracter de l'albanés ye més amán d'a branca satem y huei cada vegata prene més importancia a teoría que relaciona l'albanés actual con a luenga daca dentro d'a branca tracia, con una hipotesi que relaciona o pueblo albanés baixo medieval con poblacions dacas no romanizatas que se refuchioron en o Imperio Román en tiempos d'as primeras invasions chermanicas (presencia de godos en Ucraina y Rumanía) y d'os hunnos, que tamién causoron movimientos de población.

L'orichen d'os albaneses ye estato un problema de disputa mientres muito tiempo. Manimenos o suyo idioma, l'albanés, ye clarament una luenga indo-europea. O suyo vocabulario contién parabras griegas, latinas, eslavas y turcas, encara que a luenga per se no tien familiars vivos cercans, cosa que en fa difícil a filiación adintro d'o tronco lingüistico balcanico antigo.

O primer estato con una clase dirichent albanesa estió o Principato d'Arbër u d'Arbëria, que duró dende l'anyo 1190 dica l'anyo 1255.

Mapas[editar | editar código]

Referencias[editar | editar código]

  1. [[1]]
  2. [[2]]
  3. [[3]]
  4. (es) Francisco Villar: Los indoeuropeos y los origenes de Europa. Lenguake e historia. Editorial Gredos, 1991. pp 282-285