Habitat

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Os zaguers habitats esminglanatos de l'elefant africano.

Un mapa de distribución amostrando a distribución y arias de cría d'a gaviota Larus marinus.

Un habitat ye un aria ecolochica u medioambiental que ye habitata por una especie particular d'animal, planta u atro tipo d'organismo. Ye o medio natural on vive un organismo, u o medio fisico que lo rodeya y influencía u que fa servir a población d'este organismo.

Definición

O termin "población" ye preferible a "organismo" porque si ye posible describir l'habitat d'un onso negro solo tamién ye posible que no podamos trobar atro onso negro particular. Manimenos l'agrupación d'onsos negros que constituye una población reproductora y que ocupa una cierta aria biocheografica. A mes, este habitat puet estar bellacosa diferent de l'habitat d'atros onsos negros que vivan en atro puesto, d'astí o termin habitat no se faiga servir ni pa on vive a especie ni on vive l'individuo.

Microhabitat

O termin microhabitat se fa servir a sobén pa describir requerimientos de poblacions u organismos particulars a una escala chicota.

Habitat suboptimo

Cuan una especie va desapareixendo d'a suya aria de distribución va restrinchindo-se a reductos que pueden representar pa ella un "habitat suboptimo" on as condicions no son as mes adecuatas pa l'alimentación, a reproducción u o suyo comportamiento. N'estas condicions o creiximiento demografico ye baixo u nulo y as posibilidaz de supervivencia u recolonización d'arias millors se reducen.

Un caso d'ocupación d'habitat suboptimo ye l'habitat que ocupa o fardacho d'El Hierro Gallotia simonyi, u as cuevas on cría a foca monche Monachus monachus. S'ha sinyalato que o Parque Nacional d'Ordesa representaba pa o bucardo Capra pyrenaica pyrenaica un habitat suboptimo por a dureza d'as condicions climaticas y que si estió o zaguer puesto on sobrevivió ye porque yera mes difícil de cazar. En a extinción de l'Hombre de Neanderthal as tierras altas d'a Peninsula Iberica y os Balcans talment representasen un habitat suboptimo en relación a l'ampla aria que ocupaban enantes d'entrar l'hombre moderno en Orient Meyo y Europa.

Veyer tamién

• Conservación de l'habitat
• Destrucción de l'habitat
• Fragmentació de l'habitat
• Habitat chardín
• Paisache natural
• Recurso natural
• Habitat humán