Eripol

Eripol
Localidat d'Aragón
l'Eripol
Entidat  • País  • Provincia  • Comarca  • Municipio	Lugar Aragón  Uesca Sobrarbe Barcabo
Población  • Total	11 hab. (2005)
Altaria	921 m.
Distancia  • 80 km  • 23 km  • 12 km	enta Uesca enta l'Aínsa enta Barcabo
Codigo postal	22348
Parroquial  • Diocesi  •Arciprestato  • Parroquia	Uesca Semontano y Sobrarbe Alquezra

Ista fuella ye escrita en baixo sobrarbés.

L'Eripol ye un lugar d'o municipio de Barcabo, en o Sobrarbe. A suya población yera de 11 habitants en a zaguera recensada que hi fión.

Iste lugar yera titular d'un castiello que dominaba ra altiplana d'o Viello Sobrarbe y ros trangos d'a siarra d'Olsón por a suya ubicación estratechica a l'alto d'o collau de l'Eripol

A chicorrona ilesia de l'Eripol, s'alza en o puesto más alto d'o lugar.

D'ista antiga fortificación no se'n troban si que bellas trazas de paretz endazaga de l'actual ilesia.

A ilesia ye chicolona como tot en iste nuclio, y fue construyida en a suya forma actual en meyas d'o sieglo XVI (añadas 1559-1560), quan por mal estau de ra viella ilesia de Sant Antón, actualment desaparexida, s'abión de recuperar os cultos a ra present. A nao tien forma de cruz latina, con altars laterals y una sacristía afechada tardanament ta l'altar prencipal.

O vico antigo d'o lugar fa puyada ent'a ilesia y ro castiello, y ye destacable ra ruralidat de tod' él, con a conservación de a sabelas trazas de l'arquitectura popular d'ista redolada. Son caracteristicas as carreras empedradas encara a l'actualidat, y bellas suportaladas con arcadas y patios d'as casas d'o lugar.

Una carrera de l'eripol, con os suyos empedraus tradicionals.

A suportalada tradicional d'una de ras casas de l'Eripol.

Cheografía

Cheodesia

Bi ha un vértiz cheodesico a una altaria de 916 metros dende o libel d'a mar en un cerro que bi ha a o norte d'o lugar.

Fiastas

• Día lunes de Pentecostés (chunio); como en atros lugars d'a redolada, romería ent'o santuario de Santa María dera Noguera.

• 13 d'agosto; Fiasta Mayor.