Entrena
| Entrena | |||
| Municipio d'a Riocha | |||
| |||
 | |||
| Entidat • Estau • Comunidat • Comarca |
Municipio Espanya.svg){kind=small} A RiochaComarca de Logronyo | ||
| Superficie | 21,03 km² | ||
| Población • Total |
1632 hab. (2013) | ||
| Altaria • Meyana |
559 m. | ||
| Distancia • 13 km |
enta Logronyo | ||
| Alcalde | Esteban Pérez Díez | ||
| Codigo postal | 26375 | ||
| Patrons | Sant Cristofo | ||
| Coordenadas | |||
| Web oficial | |||
Entrena ye una localidat y municipio d'a comunidat autonoma uniprovincial d'a Riocha, en a comarca de Logronyo.
A suya población ye de 1.488 habitants (2009) en una superficie de 21,03 km², con una densidat de 70,76 hab/km².
Cheografía[editar | modificar o codigo]
Entrena ye situau a 559 metros d'altariasobre lo livel d'a mar, a una distancia de 13 km de Logronyo, a capital d'a Riocha y d'a suya comarca.
A orografía d'o municipio ye plana, con una altarias d'entre os 500 y os 600 m. A mayor parte d'o municipio se troba en un glacis, antigo cauz d'o río Iregua.[1] Enta o sud se troban os primers altizos d'a Sierra de Moncalvillo. En ixa zona ye lo nuclio de población, sobre o pueyo dito El Conjuro.
O suyo termin municipal muga con Navarret y Lardero a o norte; con Albelda de Iregua a l'este; Nalda, Sorzano y Sojuela a o sud y con Medrano a l'ueste.
En o termin no bi ha ríos importants.
| Nord-ueste: Navarret | Norte: Navarret | Nord-este: Lardero |
| Ueste: Medrano | 
|
Este: Albelda de Iregua |
| Sud-ueste: Sojuela | Sud: Sorzano | Sud-este: Nalda |
Historia[editar | modificar o codigo]
A zona estió poblata por os romanos, como amuestra as runas d'a Dehesa («defesa» u «acampo» en aragonés), amás d'a calzada romana que i pasaba.
Alifonso I d'Asturias lo Catolico a meyaus d'o sieglo VII lis prenió a villa a los musulmans. A villa fue establita en o sieglo X.
Dende 1076 perteneixió a Castiella y a lo suyo rei Alifonso VI. Este rei, parando cuenta d'a valura estratechica d'a zona, que mugaba con os reinos d'Aragón y Navarra, i debantó y repobló cuantos puestos fortificaus pa esfender os suyos intreses. Un d'estos puestos yera Entrena.
En 1160 Sancho VI de Navarra repobló a villa.
En a documentación de bellas donacions d'o rei Sancho Garcés IV de Navarra apareixe Entrena con o nombre en latín de Entedigone.
A villa estió donata per a reina Estefanía de Foix, vídua d'o rei García Sánchez III de Navarra de Nachera, a lo monesterio de Santa María la Reyal de Nachera, apareixendo nombrada como "Antelana".
En 1189 os flaires beneditins de Santa María la Reyal de Nachera donoron entre atras, a ilesia d'Entrena a o bispe de Calagorra.
O rei Henrique II de Castiella donó a villa a Juan Ramírez de Arellano por os servicios prestaus, seguntes apareix en a escritura de concesión d'a sinyoría de Cameros. Dende allora a villa estió vinclada a os Arellano, que teneban grans pleitos con os Gómez Manrique, sinyors de Navarret por donación d'o rei Chuan I de Castiella a Diego Gómez Manrique de Lara en 1380.
En 1478 os vecins de Navarret espaldoron as murallas d'Entrena.
Toponimia[editar | modificar o codigo]
Entrena apareixe cuaternada como Entedigone, Antelena, Antilenam[2], Entelena u Antrena en bels documentos historicos.
Puestos d'intrés[editar | modificar o codigo]
.jpg)
Molimentos relichiosos[editar | modificar o codigo]
- Ilesia de Sant Martín d'Entrena, una ilesia devantada en 1545.
- Convento de Santa Clara. Establiu en 1503 por don Carlos Ramírez d’Arellano y a suya muller Juana de Zúñiga, contes d'Aguilar y sinyors de Cameros. As primeras monchas i plegoron dende Tordesillas.
- Ermita de Santa Ana. Situada a 2 km d'a localidat por a LR-137 de camín enta Navarrete. Pareixe barroca, d'o sieglo XVIII, fue restaurada en 1964 y 2005. En Pentecosta bi ha una procesión enta la ermita y dimpués se fa una fiesta en o parache de Las Riberas.
Fuents[editar | modificar o codigo]
- Fuent de Las Riberas a o canto d'o río Daroca.
Demografía[editar | modificar o codigo]
En o censo de población d'a Corona de Castiella feito en o sieglo XVI, Entrena apareixe en as adiccions de Nachera con 232 vecins (1.160 almas). En o Diccionario Geográfico de Barcelona de 1830 Entrena ye citada con 255 vecins (1.285 almas). En o censo d'a provincia de Logronyo de 1840 rechistra 181 vecins (803 almas).
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| ||||||||||||||||||
| 1749-1981: población de feito; 1990- : población de dreito. Fuent: Intercensal en l'INE, Series de población en l'INE y Relación d'unidaz poblacionals en l'INE. | ||||||||||||||||||
Evolución demografica d'Entrena, dende 1900.
Como ye situato a man d'a capital, a suya poblacion ha creixiu muito en as zagueras anyadas. Entrena ha aculliu a muitos inmigrants, en a suya mayor parti marroquins y rumanos.
Economía[editar | modificar o codigo]
A suya economía se basa en as explotacions agricolas de regano (pereras) y a producción de vins. En ista localidat bi ha cinco bodegas.
Tamién se i cautivan oliveras, cerials y manzaneras.
Administración[editar | modificar o codigo]
Alcaldes[editar | modificar o codigo]
| Lechislatura | Nombre | Partito politico |
|---|---|---|
| 1979–1983 | Juan Ulecia Medrano | Independient |
| 1983–1987 | Aquiliano Medrano Rodríguez | Partido Socialista Obrero Español |
| 1987–1991 | Jose Luis Rodríguez Untoria | Partido Socialista Obrero Español |
| 1991–1995 | Miguel Ángel Corral Navarro | Partido Popular |
| 1995–1999 | Miguel Ángel Corral Navarro | Partido Popular |
| 1999–2003 | Ricardo Cerrolaza Ruiz | Partido Popular |
| 2003–2007 | Manuel Rodríguez Rodríguez | Partido Socialista Obrero Español |
| 2007–2011 | Esteban Pérez Díez | Partido Popular |
| 2011–2015 | ||
| 2015–2019 | ||
| 2019–2023 | ||
| 2023–2027 |
Reparto de concellers[editar | modificar o codigo]
| Partiu politico | 1979 | 1983 | 1987 | 1991 | 1995 | 1999 | 2003 | 2007 |
| PP | - | 3 | 5 | 5 | 5 | 2 (3) | 5 | |
| PSOE | - | 6 | 3 | 4 | 4 | 5 | 4 | |
| PR | - | - | 1 | 0 | 0 | 1 | 0 | |
| Independients | 9 | - | - | - | - | 1 (0) | - | |
| AR | - | - | - | 0 | - | - | - | |
| CDS | - | - | 0 | - | - | - | - | |
| Total | 9 | 9 | 9 | 9 | 9 | 9 | 9 | 9 |
Fuent: Ministerio d'o Interior.
Fiestas[editar | modificar o codigo]
- 3 de febrero, Sant Blas.
- 11 d'abril, Sant Lazaro.
- 15 de mayo, Sant Isidro Labrador.
- La Hermedaña, en Pentecosta.
- 10 de chulio, fiestas patronals en honor a Sant Cristofo.
- 26 de chulio, Santa Ana.
- 11 de noviembre, Sant Martín.
Veyer tamién[editar | modificar o codigo]
Referencias[editar | modificar o codigo]
- ↑ Antonio M. Casas Sainz, Andrés Gil Imaz y Arsenio Muñoz Jiménez: Guía geológica del valle del Iregua, Librería General, (1998), ISBN 84-7078-171-5
- ↑ [1]
Bibliografía[editar | modificar o codigo]
- (es) VVAA. Ed. Luis Aramburu; Enciclopedia de La Rioja. ISBN 84-7407-162-3
- (es) Ángel Casimiro de Govantes: Diccionario Geográfico y Histórico de Espanya Seccion II comprende La Rioja o toda la Provincia de Logronyo y algunos pueblos de la de Burgos., Real Academia de la Historia (1846), reimp., Logronyo, Consejería de Educación, Cultura y Deportes, (1986). ISBN 84-505-3985-4.
Vinclos externos[editar | modificar o codigo]
Se veigan as imáchens de Commons sobre Entrena.- (es) Concello.
- (es) C.R.A. Moncalvillo.
- (es) Mapa de situación.
| Municipios d'a comarca de Logronyo | |
|---|---|
| Agonciello | Alberit | Albelda de Iregua | Alcanadre | Arrúbal | Ausejo | Cenicero | Clavillo | Corera | Daroca de Rioja | El Redal | Entrena | Fuenmayor | Galilea | Fornos | Lacuniella de Chubera | Lardero | Logronyo | Medrano | Muriello de Río Leza | Nalda | Nabarret | Ocón | Ribafreta | Robres del Castillo | Santa Engracia del Jubera | Sojuela | Sorzano | Sotés | Torremontalbo | Ventosa | Villamediana de Iregua |