Eliseo Martín Omenat

De Biquipedia
(Reendrezau dende Eliseo Martin)
Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Eliseo Martín
Eliseo Martín brincando un obstaclo.
Eliseo Martín brincando un obstaclo.
Información personal
Naixencia 5 de noviembre de 1973
Monzón (Cinca Meya, Uesca)
Esporte Atletismo
Campionato d'o Mundo
Bronce París 2003 3.000 m obst.
Récords d'Aragón de 3.000 m obstaclos, 10.000 m lisos (1999-2015) y meya maratón.
Campión de Espanya de 3.000 m obstaclos en 1999, 2003 y 2008.
Millor atleta espanyol de l'anyo 2003.
Premio a o Millor esportista masculín aragonés en os anyos 1999, 2000 y 2003.

Eliseo Martín Omenat, naixito de Monzón o 5 de noviembre de 1973 ye un corredor de larga distancia aragonés, especializau en as cursas de 3.000 metros obstaclos a on que o suyo millor rechistro ye de 8:09.09. O suyo entrenador ye Fernando García, "Fondi".

En 1992 estió campión d'Espanya junior en a cursa de 10.000 metros. Estió seteno en ixa mesma cursa en o Mundial de Seúl. En 1994 y 1995 estió campión d'Espanya "promesa" en 3.000 metros obstaclos. Una lesión li pribó de competir en os Chuegos Olimpicos d'Atlanta 1996.

En 1999 estió campión d'Espanya en 3.000 obstaclos. En os Campionatos d'o Mundo de Sevilla de 1999 obtenió o seiseno puesto, y en os Chuegos Olimpicos de Sydney 2000 tornó a repetir ixe mesmo puesto.

O 26 de setiembre de 2003 ganó a medalla de bronce en o Campionato Mundial d'Atletismo de París, dimpués de enantar a dos rivals en os zaguers 200 metros.[1] Tamién estió campión d'Espanya de 3.000 metros obstaclos.

O Comité Olímpico Español li atorgó a Medalla Olimpica en reconoiximiento a os suyos meritos esportivos en ixe anyo, y a Federación Espanyola d'Atletismo li nombró Millor Atleta de l'anyo 2003.

Fitas[editar | modificar o codigo]

Anyada Torneyo Puesto Resultau Atra información
1992 Campionatos d'o Mundo Junior Seoul, Corea d'o Sud 7eno 10.000 m
1998 Campionatos d'Europa Budapest, Hongría 7eno 3.000 m obstaclos
1999 Campionatos d'o Mundo Sevilla, Espanya 6eno 3.000 m obstaclos
2000 Chuegos Olimpicos Sydney, Australia 6eno 3.000 m obstaclos
2001 Campionatos d'o Mundo Edmonton, Canada 12eno 3.000 m obstaclos.
2002 Campionatos d'Europa Munich, Alemanya 5eno 3.000 m obstaclos
2003 Campionatos d'o Mundo París, Francia 3ero 3.000 m obstaclos, 8:09.09 (Millor rechistro personal)
World Athletics Final Montcarles, Mónegue 6eno 3.000 m obstaclos
2004 Chuegos Olimpicos Atenas, Grecia 9eno 3.000 m obstaclos

Millors rechistros personals[editar | modificar o codigo]

Referencias[editar | modificar o codigo]

Vinclos externos[editar | modificar o codigo]


Millor esportista aragonés masculín
Predecesora:
Jorge Sánchez
Millor esportista aragonés masculín
1999 y 2000
Succesora:
César Lainez
Predecesora:
Daniel Velilla
Millor esportista aragonés masculín
2003
Succesora:
Carlos García