Custer of the West

Custer of the West
Títol	Custer of the West
Póster d'a cinta, obra de Frank McCarthy.
Ficha tecnica
Dirección	Robert Siodmak
Aduyant de dirección	José María Ochoa
Dirección artistica	Jean d'Eaubonne Eugène Lourié Julio Molina
Producción	Philip Yordan Irving Lerner
Guión orichinal	Bernard Gordon Julian Zimet
Musica	Bernardo Segall
Soniu	Kurt Hernfeld Gordon K. McCallum Alban Streeter Jim Willis
Fotografía	Cecilio Paniagua
Montache	Peter Parasheles Maurice Rootes
Vestuario	Laure Lourié
Maquillache	Julián Ruiz
Efectos especials	León Ortega
Casting	Lillian Kelly
Actors	Robert Shaw Mary Ure Ty Hardin Jeffrey Hunter Lawrence Tierney Marc Lawrence Kieron Moore Charles Stalmaker Jack Gaskins Robert Hall Robert Ryan John Clark Barta Barri
Color	Technicolor
Datos y cifras
País(es)	Estaus Unius Francia Espanya Reino Uniu
Anyo	1967
Debantadera	7 de noviembre de 1967 Londres (Reino Uniu) 23 d'aviento de 1967 Madrit (Espanya) 24 de chinero de 1968 Dallas (Estaus Unius) 27 de setiembre de 1968 Francia
Chenero(s)	Cine de western Cine biografico
Durada	141 min.
Idioma(s)	Anglés
Companyías
Productora(s)	Security Pictures
Distribución	Cinerama Releasing Corporation
Estudio(s)	Sevilla Films
Presupuesto	4 millons de dólars
Recauto	400.000 dólars
Informacions en bases de datos especializadas:

Custer of the West (títol orichinal en anglés, en aragonés Custer de l'Ueste, enguerada en Aragón con o títol en castellano de La última aventura del general Custer, en aragonés La zaguer aventura d'o cheneral Custer) ye una cinta de cine de western biografico coproducida por o cine estausunidense, lo cine espanyol, o cine britanico y lo cine francés enguerada l'anyo 1967, dirichida por Robert Siodmak seguntes un guión orichinal de Bernard Gordon y Julian Zimet, con una banda sonora orichinal de Bernardo Segall, una dirección de fotografía de Cecilio Paniagua y una producción cinematografica de Philip Yordan y Irving Lerner ta la productora cinematografica Security Pictures. Conta con un elenco d'o cual en fan parte, en os suyos papels principals, os actors Robert Shaw, Mary Ure, Ty Hardin, Jeffrey Hunter, Lawrence Tierney, Marc Lawrence, Kieron Moore, Charles Stalmaker, Jack Gaskins, Robert Hall, Robert Ryan, John Clark y Barta Barri.

A cinta presenta una visión de poco rigor historico sobre la vida d'o cheneral George Armstrong Custer, centrando-se en o periodo que abraca dende lo final d'a Guerra Civil d'os Estaus Unius en 1865 dica la suya muerte en a batalla de Little Bighorn o 25 de chunio de 1876. Conta cómo en rematar a guerra lo cheneral Custer se troba, como tantos otros oficials y chefes, sin treballo. Nomás li ufren que destins administrativos pero él los refusa, dica que se li ufre lo mando d'o 7^eno Rechimiento de Caballería, destinau en Dakota d'o Norte y que tien como misión la de cosirar a los sioux d'ixe territorio, a on por tractau no pueden dentrar os colonos estausunidenses. Ta ixa misión se li rebaixa lo suyo grau militar dica lo de tenient coronel, y en plegar en o fuerte base d'o rechimiento se confirma lo que ya sospitaba: l'han ninviau nomás que ta provocar una guerra con os indios y fer-los fuera d'os suyos territorios. En primeras preba d'evitar que los buscadors d'oro penetren en territorio indio ta las suyas prospeccions, pero bien luego se troba que mesmo las suyas tropas se contchian d'a fiebre de l'oro y permite a los buscadors marchar enta territorio indio ta disgusto d'o chefe sioux Caballo Loco (Crazy Horse). Destituyiu, marcha enta Washington, DC a on denuncia la corrupción existent en a chestión d'os temas relativos a los amerindios y en atros ambitos d'a politica y d'a sociedat estausunidenses, plegando a implicar a lo mesmo chirmano d'o president d'os Estaus Unius Ulysses S. Grant. Tanimientres, consigue estar ninviau nuevament a mandar o 7^eno de Caballería a tiempo ta participar en una campanya contra los indios, que en un numero important s'han concentrau en a compleganza d'o río Yellowstone, perseguindo-los dica lo suyo afluent o río Bighorn.

A cinta s'ambienta en Washington, DC, Dakota d'o Norte, Dakota d'o Sud y Montana en o anyos 1860 y 1870 y las suyas escenas se filmoron en Colmenar Viejo y Madrit (Comunidat de Madrit), Toledo (Castiella-La Mancha) y Almería (Andalucía) en Espanya, amás d'en os estudios cinemtograficos Sevilla Films en Madrit.

Elenco

Actor	Papel	Notas
[[]]	'

Se veiga tamién

• Cine en 1967.
• Cintas de 1967.

Vinclos externos

• Se veigan as imáchens de Commons sobre Custer of the West.

• Datos: Q1305262
• Multimedia: Custer of the West / Q1305262