Cortz d'Aragón
- Iste articlo ye sobre a institución aragonesa. Ta atros emplegos de Cortz se veiga Cortz (desambigación).
Cortz d'Aragón | |
---|---|
O puesto d'as Cortz d'Aragón, ye o Palacio de l'Alchafaría | |
Información d'o Parlamento | |
Churisdicción | ![]() |
Seu | Palacio de l'Alchafaría Zaragoza, Aragón |
President | Javier Sada |
Pachina web | |
cortesaragon.es |
Poder lechislativo |
Poder executivo |
Poder chudicial |
Atros articlos |
As Cortz d'Aragón son una d'as institucions de gubierno d'Aragón dende a Edat Meya. As Cortz otorgan a Medalla d'as Cortz d'Aragón a la fin de recompensar a presonas o entidats que por l'actividatz que desenvoliquen esfensin els valors y a identidat d'Aragón.
Contenius
- 1 As Cortz d'Aragón en a Edat Meya y Moderna.
- 2 As Cortz d'Aragón de 1808.
- 3 As Cortz d'Aragón en l'actualidat.
- 4 Presidents d'as Cortz d'Aragón
- 5 Reparto de Diputaus en as Cortz d'Aragón n'autonomía (1983-2019)
- 6 Resultaus 10ena lechislatura (26 de mayo de 2019)[3]
- 7 Se veiga tamién
- 8 Vinclos externos
- 9 Referencias
As Cortz d'Aragón en a Edat Meya y Moderna.[editar | editar código]
En a Edat Meya o Reino d'Aragón desembolicó una serie d'institucions estatals, como a Deputación Cheneral d'Aragón, o Chusticia d'Aragón, y tamién as Cortz, l'organismo representativo d'os estamientos aragoneses. En Aragón i heba quatro brazos, y no pas tres como se desveniba en a resta d'Europa: nobleza, caballers y infanzons, clero y ciudatz.
Os principals obchectivos d'iste organo representativo yeran: acordar os diners que s'heban de pagar a la monarquía, lechislar con nuevos fueros u leis que s'incorporaban a os Fueros d'Aragón, resolver as queixas u greuges planteyaus por os aragoneses.
Ye de mal determinar quán se plegoron as primeras Cortz d'Aragón: en primeras yera una curia de consellers d'o rei, y en os sieglos XII y XIII se fuoron incorporando representants d'o clero y d'as ciudatz. Dica la fin d'o sieglo XIII no se puede charrar d'organos representativos y estables, tampoco en Aragón. A zaguera reunión d'as Cortz d'Aragón se fació en 1702, en Zaragoza; en 1707 os Decretos de Nueva Planta las suprimioron chunto con a resta d'institucions aragonesas, y os aragoneses s'integroron en as Cortz de Castiella.
Existiban dos tipos de Cortz d'Aragón: privativas y chenerals. Enta las primeras nomás acudiban os aragoneses pa charrar d'os suyos afers, mientres que enta las chenerals d'a Corona d'Aragón veniban también os catalans y valencianos, y se feban a sobén en Monzón.
As Cortz yeran presiditas por o rei y por o Chusticia d'Aragón. A ella podeban acudir-ie bellas personas por dreito personal -os bispes, os nobles, os caballers-, y as que o rei heba convocau con cartas. S'engueraban con un discurso d'o rei y a respuesta d'o representant d'os aragoneses, por un regular l'arcebispe de Zaragoza. Cada brazo se reuniba en una cambra, y preneba as decisions suyas: por un regular caleba a unanimidat d'os quatro brazos p'os acuerdos.
Os debates, queixas y decisions d'as Cortz d'Aragón s'escribiban en un Libro d'Actas redactau en aragonés dica la castellanización, y en castellano dimpués; se'n feba tres exemplars: uno pa l'Archivo d'o Reino d'Aragón, un otro p'o Chusticia d'Aragón, y otro pa l'Archivo d'a Corona d'Aragón. Muitos Libros d'Actas s'han conservau, y en abril de 2007 ha encomenzau a suya publicación.
As Cortz d'Aragón de 1808.[editar | editar código]
En mayo de 1808, José de Palafox y Melci, Capitán Cheneral d'Aragón, decide de convocar pa chunio as Cortz d'o reino, pa mirar d'arroclar a os aragoneses contra Napolión Bonaparte y de dar lechitimidat a os suyos actos. Se plegoron en Zaragoza o 9 de chunio de 1808, y aceptoron as demandas de Palafox.
O feito de resucitar a institución representativa d'os aragoneses, suprimita en 1707, ye considerau un acto "revolucionario", pero no tenió guaire trascendencia, porque dica la fin d'o sieglo XX no tornarán a plegar-se.
As Cortz d'Aragón en l'actualidat.[editar | editar código]
En l'actualidat, as Cortz d'Aragón exercen a función lechislatiba d'a Comunidat autonoma d'Aragón, seguntes l'articlo 33 d'o Estatuto d'Autonomía.[1] Tamién apreban os presupuestos, empentan y controlan l'acción de Gubierno d'a Deputación Cheneral d'Aragón y exercen as demás competencias que lis atorgan a Constitución, o Estatuto y as demás normas churidicas. Antimás, designan a los senadors que han de representar a la Comunidat autonoma en o Senau; exercen a iniciativa lechislativa ta que as Cortz Chenerals apreben una Lei; pueden exercitar la iniciativa d'alinie d'a Constitución Espanyola; homologan os convenios y alcuerdos de cooperación en os que participe a Comunidat Autonoma d'Aragón; interposan recursos d'inconstitucionalidat; eslíen a lo Chusticia d'Aragón, a l'auditor cheneral d'Aragón y eslíen u proposan o nombramiento de cargos en atros organismos: consellers en o Consello Consellero de Radio Televisión Espanyola en Aragón, vocals en a Chunta Electoral d'Aragón u consellers en as Caixas de Estalvio d'a Comunidat.
Presidents d'as Cortz d'Aragón[editar | editar código]
Ta mas información, se veiga l'articlo prencipal sobre a lista de presidents d'a institución.
- Antonio Embid Irujo (1983-1987) - (Partido de los Socialistas de Aragón)
- Juan Bautista Monserrat Mesanza (1987-1991) - (Centro Democrático y Social)
- Ángel Cristóbal Montes (1991-1995) - (Partido Popular de Aragón)
- Emilio Eiroa García (1995-1999) - (Partido Aragonés)
- José María Mur (1999-2003) - (Partido Aragonés)
- Francisco Pina Cuenca (2003 - 2011) - (Partido de los Socialistas de Aragón)
- José Ángel Biel Rivera (2011 - 2015) - (Partido Aragonés)
- Antonio Cosculluela Bergua (2015 - 2016) - (Partido de los Socialistas de Aragón)
- Violeta Barba Borderías (2016 - 2019) - (Podemos)
- Javier Sada Beltrán (2019 - ) - (Partido de los Socialistas de Aragón)
Reparto de Diputaus en as Cortz d'Aragón n'autonomía (1983-2019)[editar | editar código]
Partito | 1983 | 1987 | 1991 | 1995 | 1999 | 2003 | 2007 | 2011 | 2015 | 2019 |
Partido de los Socialistas de Aragón | 33 | 27 | 30 | 19 | 23 | 27 | 30 | 22 | 18 | 24 |
Partido Popular | 18 | 13 | 17 | 27 | 28 | 22 | 23 | 30 | 21 | 16 |
Ciudadanos | - | - | - | - | - | - | - | - | 5 | 12 |
Podemos | - | - | - | - | - | - | - | - | 14 | 5 |
Chunta Aragonesista | - | - | - | 2 | 5 | 9 | 4 | 4 | 2 | 3 |
Vox | - | - | - | - | - | - | - | - | - | 3 |
Partido Aragonés | 13 | 19 | 17 | 14 | 10 | 8 | 9 | 7 | 6 | 3 |
Izquierda Unida de Aragón | 1 | 2 | 3 | 5 | 1 | 1 | 1 | 4 | 1 | 1 |
Centro Democrático y Social | 1 | 5 | - | - | - | - | - | - | - | - |
Total | 67 | 67 | 67 | 67 | 67 | 67 | 67 | 67 | 67 | 67 |
Resultaus 10ena lechislatura (26 de mayo de 2019)[3][editar | editar código]
Circumscripcions Provincials | PSOE | PP | Cs | Ps | CHA | VOX | PAR | IUA | Total votos | ||||||||||||||||
---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|---|
Votos | % | Diputaus | Votos | % | Diputaus | Votos | % | Diputaus | Votos | % | Diputaus | Votos | % | Diputaus | Votos | % | Diputaus | Votos | % | Diputaus | Votos | % | Diputaus | ||
![]() |
38 185 | 33,68 | 7 | 23 794 | 21,03 | 4 | 15 769 | 13,91 | 3 | 9261 | 8,21 | 1 | 5073 | 4,49 | 1 | 6037 | 5,35 | 1 | 8912 | 7,90 | 1 | 2679 | 2,37 | 0 | 113 795 |
![]() |
143 694 | 30,06 | 11 | 97 394 | 20,37 | 8 | 85 025 | 17,79 | 7 | 40 014 | 8,37 | 3 | 33 091 | 6,92 | 2 | 30 855 | 6,45 | 2 | 17 248 | 3,61 | 1 | 17 101 | 3,58 | 1 | 480 756 |
![]() |
22 228 | 31,33 | 6 | 17 026 | 24,00 | 4 | 9789 | 13,80 | 2 | 4193 | 5,91 | 1 | 3296 | 4,65 | 0 | 3371 | 4,75 | 0 | 7337 | 10,34 | 1 | 2235 | 3,15 | 0 | 71 811 |
Total | 203 933 | 30,81 | 24 | 138 158 | 20,87 | 16 | 110 517 | 16,70 | 12 | 53 468 | 8,08 | 5 | 41 460 | 6,26 | 3 | 40 263 | 6,08 | 3 | 33 497 | 5,06 | 3 | 22 015 | 3,33 | 1 | 666 362 |
Se veiga tamién[editar | editar código]
- Medalla d'as Cortz d'Aragón.
- Lista de Cortz d'Aragón.
- Eleccions a Cortz d'Aragón de 1983.
- Eleccions a Cortz d'Aragón de 1987.
- Eleccions a Cortz d'Aragón de 1991.
- Eleccions a Cortz d'Aragón de 1995.
- Eleccions a Cortz d'Aragón de 1999.
- Eleccions a Cortz d'Aragón de 2003.
- Eleccions a Cortz d'Aragón de 2007.
- Eleccions a Cortz d'Aragón de 2011.
- Eleccions a Cortz d'Aragón de 2015.
- Eleccions a Cortz d'Aragón de 2019.
Vinclos externos[editar | editar código]
Referencias[editar | editar código]
- ↑ Estatuto d'Autonomía d'Aragón. Lei organica 5/2007, de 20 d'abril, de reforma d'o Estatuto d'Autonomía d'Aragón.
- ↑ Archivo electoral
- ↑ Resultatos electorals de 2019.