Constitución

Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.

Constitución d'os Estaus Unius.

Una constitución (d'o latín < CONSTITUTIO) ye un sistema, a sobén un documento escrito, que estableixe as reglas y os prencipios que gubiernan una organización u una entidat politica. En o caso particular d'os Estatos, una constitución ye a norma churidica fundamental que define a estructura, os procedimientos, as prerrogativas, dreitos y responsabilidaz d'o gubierno y d'os ciudadans. Antis d'a evolución d'as constitucions nacionals modernas, o termin "constitución" feba referencia a cualsiquier lei important que determinaba o funcionamiento d'un gubierno.

D'as constitucions, se'n fa uso en muitas organizacions, ya sía en organizacions supranacionals, os Estatos y las suyas divisions administrativas constituyents, asinas como en os partius politicos, os sindicatos y as organizacions no gubernamentals. As órdens relichiosas se richen tamién por constitucions aprobatas por a Santa Seu.