Iste articlo ye en proceso de cambio enta la ortografía oficial de Biquipedia (la Ortografía de l'aragonés de l'Academia Aragonesa d'a Luenga). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpués ista plantilla.
Seguntes o suyo estatuto d'autonomía Aragón s'articula en tres provincias divididas en 33 comarcas que a la suya vegada se subdividen en 730 municipios. Amás existen mancomunidatz (agrupacions voluntarias de municipios para aconseguir unas fins comunas).
Os partius politicos que actualment i hai en Aragón s'articulan tanto en l'eixe ezquierda-dreita tradicional como que en o grau d'aragonesismo politico.
Partiu Popular d'Aragón (PP d'Aragón): organización aragonesa d'o PP. Ha gubernau en cuantas lechislaturas y disputa o espectro politico de centrodreita con Ciudadans. O suyo lider ye Luis María Beamonte. En ambito municipal, l'alcaldesa d'una d'as capitals de provincia, Teruel, ye d'iste partiu.
Chunta Aragonesista (CHA): partiu orichinariament d'a Comunidat. S'articula como lo referent d'o nacionalismo aragonés y forma parte d'o Gubierno chunto a o PSOE-Aragón. A suya organización chuvenil, Choventut Aragonesista, s'aboca a l'independentismo. Esfiende o concepto d'Aragón como nación y empenta la promoción d'as luengas autoctonas (aragonés y catalán). O suyo lider ye José Luis Soro, actual consellero de Vertebración d'o Territorio, Mobilidat y Vivienda.
Partiu Aragonés (PAR): partiu autoctono de centrodreita. Ha formau parte en anteriors lechislaturas d'o Gubierno chunto a o PP y sigue fendo-lo en una gran cantidat de concellos. Esfiende un nacionalismo moderau y lo suyo lider ye Arturo Aliaga López.
Ezquierda Unida d'Aragón (IUA): federación aragonesa d'Ezquierda Unida. Entre cuantos decenios ha estau o referent d'a ezquierda en a Comunidat, consideración que comparte en os zaguers anyos con Podemos Aragón. En a lechislatura 2015-2019 conta con una cadiera, asignada a Patricia Luquin.
Podemos Aragón (Podemos): federación aragonesa de Podemos. Chunto a IUA articula la ezquierda no autoctona en Aragón, estando a tercera fuerza en as Corz d'Aragón actualment. O suyo lider ye Nacho Escartín. En ambito municipal, forma parte d'organizacions satélite municipalistas como Zaragoza en Común (que forma lo Gubierno municipal d'a capital aragonesa, Zaragoza).
Ciudadans d'Aragón (C's): organización aragonesa de Ciudadans. S'enmarca en a centrodreita chunto a lo PP y conta con 5 cadieras en as Corz d'Aragón, liderado por Susana Gaspar.
Reparto de deputaus en a IX Lechislatura (2015-2019)
Datos: Q6082236
Multimedia: Politics of Aragon / Q6082236