José María Mur Bernad
| José María Mur Bernad | |
|---|---|
| |
| 7 de chulio de 1999 – 30 de chunio de 2003 | |
| President | Marcelino Iglesias Ricou |
| Precediu por | Emilio Eiroa García |
| Succediu por | Francisco Pina Cuenca |
| chulio de 1987 – chunio de 2000 | |
| Precediu por | Hipólito Gómez de las Roces |
| Succediu por | José Ángel Biel Rivera |
| 15 de noviembre de 1989 – 27 de marzo de 1996 | |
| 12 de chulio de 2003 – 12 de chulio de 2011 | |
| 7 de chulio de 1999 – 30 de chunio de 2003 | |
| 20 de mayo de 1983 – 15 de noviembre de 1989 | |
| Naiximiento | 17 de setiembre de 1942 Chistén, (Uesca)
|
| Partiu | Partido Aragonés |
| Profesión | Graduau social |
.svg){kind=small}
José María Mur Bernad (Chistén, 17 de setiembre de 1942) ye un expolitico aragonés.
Cofundador d'o Partido Aragonés, o cual presidió dende 1987 dica 2000. Estió deputau en as Corz d'Aragón en as I y II lechislaturas y deputau en o Congreso d'os Deputaus por a provincia de Zaragoza de 1989 a 1996. En 1999 tornó ta as Corz d'Aragón pa estar investiu president d'as mesmas. En 2003 fue designau senador autonomico dica 2011.
Biografía[editar | modificar o codigo]
Naixió de Chistén (Uesca), o 17 de setiembre de 1942. Ye Graduau social. Casau y con tres fillos.
Carrera politica[editar | modificar o codigo]
Estió cofundador d'o Partido Aragonés (PAR), partiu que naixió entre zaguerías de 1977 y primerías de 1978 a partir d'a Candidatura Aragonesa Independiente de Centro (CAIC).
Prencipió a suya carrera politica en 1983 como deputau en as Corz d'Aragón, cargo que mantenió mientres as dos primeras lechislaturas autonomicas. En 1989 ocupó un escanyo en o Congreso d'os Deputaus como deputau d'o Partido Aragonés, integrau en o Grupo Mixto, y dimpués d'as eleccions chenerals de 1993 renovó a suya acta de deputau pa ocupar l'unico escanyo conseguido por a suya agrupación politica. Continó de deputado dica 1999, cuan estió candidato a la Deputación Cheneral d'Aragón y trigau President d'as Corz d'Aragón en a V Lechislatura.
En chulio de 1987 asumió a presidencia d'o Partido Aragonés Regionalista (PAR), formación politica d'a que José María Mur heba estau cofundador. En febrero de 1990 fue reelechiu president d'o Partido Aragonés Regionalista (PAR) en o VI Congreso d'o partiu, a on s'aprobó una enmienda pa eliminar o calificativo Regionalista d'o nombre d'o partiu.
En noviembre de 1998, José María Mur opta a las primarias d'o Partido Aragonés (PAR) a la Deputación Cheneral d'Aragón (DChA).
En chunio de 1999, José María Mur ye trigau deputau d'as Corz d'Aragón.
O 7 de chulio de 1999 ye investiu President d'as Corz d'Aragón. Conta con os votos de Partido Aragonés (PAR), PP y PSOE. Amás ye president d'o grupo parlamentario d'o Partido Aragonés.
En 2003, fue designau senador autonomico en representación d'a Comunidat Autonoma d'Aragón.
En 2007, fue reelechiu senador autonomico, cargo que ocupó dica 2011. En o Senau fue president d'a Comisión de Meyo Ambient y parti d'a Comisión Permanent.
En 2010, dimpués de trece anyos como president d'o partiu, José María Mur autosuspende a suya militancia en o Partido Aragonés (PAR) por problemas internos, entre os que se trobaba a creyación de Compromiso con Aragón.
Cargos politicos[editar | modificar o codigo]
| Cargo politico | Dende | Dica | Predecesor | Succesor |
|---|---|---|---|---|
| President d'o Partido Aragonés | 1987 | 2000 | Hipólito Gómez de las Roces | José Ángel Biel |
| Deputau en as Corz d'Aragón (I Lechislatura) | 1983 | 1987 | ||
| Deputau en as Corz d'Aragón (II Lechislatura) | 1987 | 1991 | ||
| Deputau en o Congreso d'os Deputaus por a provincia de Zaragoza | 1989 | 1996 | ||
| President d'as Corz d'Aragón (V Lechislatura) | 1999 | 2003 | Emilio Eiroa García | Francisco Pina Cuenca |
| Senador autonomico | 2003 | 2007 |
Atros cargos[editar | modificar o codigo]
Naixiu de l'Alto Aragón, dimpués retirar-se d'a politica activa fue nombrau en 2018 President d'o Patronato pa la celebración d'o Centenario d'o Parque Nacional d'Ordesa y d'as Tres Serols.
Referencias[editar | modificar o codigo]
- (es) Ficha de Senador.
- (es) Dentrada de Mur en Gran Enciclopedia Aragonesa.
Enlaces externos[editar | modificar o codigo]
- (es) José María Mur Bernad en o PAR
- (es) Web oficial Partido Aragonés
- (es) Web oficial d'as Corz d'Aragón
- (es) Web oficial d'o Gubierno de Aragón
- (es) Mur Bernad, José María - la web de las biografías
| Predecesor: Emilio Eiroa García |
President d'as Corz d'Aragón 7 de chulio de 1999-30 de chunio de 2003 |
Succesor: Francisco Pina Cuenca |
| Predecesor: Hipólito Gómez de las Roces |
President d'o Partido Aragonés chulio de 1987-chunio de 2000 |
Succesor: José Ángel Biel Rivera |
- Naixius de Chistén
- Politicos d'Aragón
- Politicos d'o Partido Aragonés
- Presidents d'o Partido Aragonés
- Presidents d'as Corz d'Aragón
- Deputaus en as Corz d'Aragón por a circumscripción electoral de Zaragoza
- Deputaus d'a I Lechislatura d'as Corz d'Aragón
- Deputaus d'a II Lechislatura d'as Corz d'Aragón
- Deputaus d'a V Lechislatura d'as Corz d'Aragón
- Senadors por designación d'as Corz d'Aragón
- Senadors d'a VIII Lechislatura d'Espanya
- Senadors d'a IX Lechislatura d'Espanya
- 1942 (naixencias)