Cortes de Pallars

Cortes de Pallars
Municipio d'o País Valencián
Anvista de Cortes de Pallars.
Entidat  • Estato  • Comunidat  • Provincia  • Comarca	Municipio Espanya Comunidat Valenciana Valencia Val d'Ayora
Superficie	234,63 km²
Población  • Total	968 hab. (2016)
Altaria	450 m.
Distancia  • 52 km  • 80 km	enta Ayora enta Valencia
Codigo postal	46199
Pachina web oficial municipal

Cortes de Pallars (Cortes de Pallás en castellán) ye un municipio de lo País Valencián de la provincia de Valencia, situau en la comarca de la Val d'Ayora, en la Valencia castellana. Fa parte de lo partito chudicial de Requena.

La suya población ye de 993 habitants (2015), en una superficie de 234,63 km² con una densidat de población de 4,31 hab/km².

Toponimia

Lo toponimo Cortes de Pallars s'interpreta a partir de verbo latín CORTARE ("tallar") estando comparabe a lo toponimo aragonés Ribagorza (RIPA CURTIA). La localidat de Cortes se troba baixo un tallo de 400 m esgarrapau por lo río Xúcar que desparte la sierra de Caroch en dos partz: Muela de l'Albéitar a lo norte y Muela de Cortes a lo sud. Lo segundo elemento derivaría d'un antroponimo orichinau en lo Condato de Pallars.

Se menciona Cortes en un texto de 1259, quan Chaime I d'Aragón donó a lo caballer navarro Sancho Martinez d'Oblitas (Ablitas) lo castiello de Bicorp:

Termini siquidem castri et alcherie de Bochor affrontat cum terminis de Palaz, quod est de regno Castelle, et cum terminos de Cortes et de Millars, que sunt de regno Valencie

Tamién bi'n ha una mención en latín a Cortes en un texto de lo 14 d'abril de 1261, quan Chaime I d'Aragón donó lo castiello y villa de Cortes a lo suyo fillo Pero Ferrández d'Íxar, que tamién estió barón de Bunyol:

...per nos et nostros damus et concedimus et asignamus per ereditatem propriam franquam et liberam, titulo et dominacionis inter vivos, vobis, dilecto fillio nostro Petro Farandez, et vestris imperpetuum, castrum et villam de Cortes, que sunt in regno Valencie, cum omnibus alquareys, terminis et pertinenciis sitis,...

Cheografía

Cortes de Pallars ye situau a 450 metros d'altaria sobre lo libel de la mar, a una distancia de 52 km d'Ayora, la capital de la suya comarca, y 80 km de Valencia, la capital de la suya provincia y de lo País Valencián.

Mugas

Lo termin municipal de Cortes de Pallars muga con los termins municipals de Teresa de Cofrentes, Xarafuel, Xalanz, Cofrentes, Requena,Yátova, Dos Aguas, Millars y Bicorp.

Administración

Alcaldes

Lista d'alcaldes

Lechislatura	Nombre	Partiu politico
1979–1983	Bernardino Serrano Carrión	Unión de Centro Democrático
1983–1987	José Gras Serrano	Partit Socialista del País Valencià-PSOE
1987–1991	José Gras Serrano	Partit Socialista del País Valencià-PSOE
1991–1995	José Gras Serrano	Partit Socialista del País Valencià-PSOE
1995–1999	José Gras Serrano	Partit Socialista del País Valencià-PSOE
1999–2003	José Gras Serrano	Partit Socialista del País Valencià-PSOE
2003–2004	José Gras Serrano	Partit Socialista del País Valencià-PSOE
2004–2007	José Moltó Navarro	Partit Socialista del País Valencià-PSOE
2007–2011	Alberto Saez	Partido Popular

Vinclos externos

• Pachina web oficial municipal.